Изложба на Милан Коњовиќ во Чифте амам

Во Националната галерија на Македонија, објект Чифте амам, на 22 мај 2015 година (петок) во 20 часот ќе се отвори изложба на Милан Коњовиќ.

konjevic Mlini, 1935

Историјата на уметноста покажа дека Милан Коњовиќ е еден од оние уметници кои оставиле битно влијание на тековите на бившо југословенското сликарство на дваесетиот век. Својот творечки опус го започнува во текот на втората деценија на минатиот век, а го завршува на почетокот на деведесетите години, поточно 1993 година, кога починува во својот Сомбор.

Имено Коњовиќ во некои кардинални моменти во бившо југоссловенското сликарство се појавува со творештво кое антиципира, инаугурира и ги потврдува особеностите на доаѓачките трендови во уметноста. По прелудијските остварувања во манирот на импресионизмот и посимпресионизмот, својот сликарски концепт го продолжил со рационалистички пристап кон бојата и формата, доспевајќи меѓу првите во бившо југословенското сликарство до кубизмот, подоцна инсистирал на колоризмот и експресионизмот кој ќе стане одбележје на севкупното негово творештво.

Изложбата се реализира во соработка со Галерија Коњовиќ од Сомбор и Завод-Музеј Штип.

___________________________________

There are no responses so far.

 

New comments are closed.