“Brishtësi”- Shqipe Mehmeti, Mala stanica

Të nderuar, Ju informojmë se në kornizat e programit të këtij viti, Galeria kombëtare e Maqedonisë do të prezantojë ekspozitën e grafistes së re Shqipe Mehmeti, e cila do të mbahet me datë 24.10.2017 (e martë) në qendrën multimediale Malla Stanica, në orën 20.00.

shkipe mehmeti poster

Në ekspozitën e saj do të prezantohen rreth 30 lista grafike të cilat Mehmeti i ka përpunuar gjatë viteve të fundit, ndërsa tema e ekspozitës është gruaja dhe brishtësia e saj, si dhe fuqia e saj nga ana tjetër. Ekspozita titullohet “Brishtësi” dhe përfshin grafika të teknikave të shumëllojshme me gjilpëre të thatë, teknikë të kombinuar, etj.

Kuratorja e projektit është Ana Frangovska ndërsa vetë projekti do të prezantohet në Malla Stanica më 2 nëntor të vitit 2017.

Galeria kombëtare e Maqedonisë

no comments

Read more...

“Dokumente urbane: pejzazh-qytet-zonë” në Malla stanica

Urbani dokumenti pokana

Sivjet, më shumë se tridhjetë shtete evropiane do të na bashkangjiten në shënimin e “Ditëve evropiane të trashëgimisë kulturore” në shenjë të temës së përbashkët “Natyra dhe trashëgimia kulturore”.

Në suazat e kësaj teme të përgjithshme, është planifikuar që aktivitetet në Republikën e Maqedonisë të fokusohen në temën “Uji – dhuratë e natyrës”. Ngjarjet me rastxn e manifestimit do të mbahen në periudhën nga 15 deri më 22 shtator.

Galeria kombëtare e Maqedonisë do të realizojë ngjarje në suazat e kësaj iniciative evropiane dhe do të marrë pjesë në manifestim me ekspozitën tematike “Dokumente urbane: pejzazh-qytet-zonë”, në hapësirën Malla Stanica, me hapje më 20 shtator (e mërkurë), në orën 12. Në hapje do të drejtohet drejtoresha e GKM,. Dr. Dita Starova Qerimi.

Përzgjedhja e veprave me temë “Zona urbane” nga koleksioni i pasur i Galerisë kombëtare të Maqedonisë përbëhet prej pikturave të autorëve të njohur dhe të afirmuar, mes të cilëve gjenden Mihajllo Sholjev, Dimitar Avramovski Pandillov, Llazar Liçenoski, Borko Llazeski, Predrag Millosavljeviq Pexha, Millan Konjoviq, Miça Popoviq dhe të tjerë. Një pjesë e madhe e tyre do të prezantohen për herë të parë para publikut në këtë ekspozitë. Të gjithë kanë një pamje karakteristike urbane, interesante për publikun e artit figurativ si nga aspekti i veprave, ashtu edhe nga aspekti historik dhe dokumentar, si dëshmitar të së kaluarës. Disa pjesë janë tashmë me motive të identifikueshme, për shembull, ndonjë detaj nga Shkupi, por edhe vepra të frymëzuara nga Tetova, Kratova, Parisi, Venediku, Zagrebi, Beogradi, Zadari, etj.

Ekspozita përfshin edhe elemente edukative nëpërmjet punëtorive edukative të cilat do të mundësojnë jo vetëm njoftim me këtë pjesë të krijimtarisë së artit figurativ, por njëkohësisht do të stimulojnë edhe interes te publiku i artit figurativ, veçanërisht te publiku më i ri.

Projekti është planifikuar sipas prioriteteve të cilat stimulojnë organizim dhe prezantim të projekteve hulumtuese dhe ekpozitave të cilat shfaqin fenomene dhe tendenca historike, problematike, tematike, stilistike dhe interpretime të vazhdueshme të artit figurativ bashkëkohor botëror dhe të Maqedonisë, arkitekturës dhe dizajnit. Do të prezantohen rreth 60 vepra figurative, nga koleksioni kombëtar dhe ndërkombëtar.

Shënimi i “Ditëve evropiane të trashëgimisë kulturore” filloi më shtator të vitit 1991, me iniciativë të Këshillit të Evropës dhe mbështetje të Unionit Evropian. Në fillim, aktivitetet të lidhura me këtë manifestim janë realizuar vetëm në disa shtete, por tashmë prej një dekade, në të marrin pjesë të gjitha shtetet evropiane. Republika e Maqedonisë u përfshi drejt këtij shënimi më vitin 1996. Qëllimi i manifestimit është ngritja e vetëdijes te publiku më i gjerë për trashëgiminë e përbashkët evropiane.

 

 

 

Si vazhdim i realizimit të qëllimeve të vendosura, Galeria kombëtare e Maqedonisë, insitucion i interesave kombëtarë, e cila pas shumë viteve në vazhdimësi e mbështet procesin arsimor, dërgon ftesë drejt të gjitha shkollave dhe pjesmëarrësve duke lajmëruar se gjatë manifestimit nga 20 deri më 22 shtator, do të mundësohet hyrja falas.

Edhe një lajmërim në lidhje me ekspozitat tashmë të vendosura në objektin Çifte Hamam të cilat mund të vizitohen në suazat e “Ditëve evropiane të trashëgimisë kulturore”. Ato janë: “Nga tradita”, ekspozita e Reshat Ametit dhe ekspozita e fotografive artistike të Mimoza Veliut.

no comments

Read more...

Fotografi artistike nga Mimoza Veliu në Çifte hamam

20196795_1637067896325560_1333873366_n (1)

Të nderuar, Ju informojmë që në Galerinë kombëtare të Maqedonisë, në objektin Çifte hamam, më 5 shtator 2017 (e martë), në ora 20 do të hapet ekspozita e Mimoza Veliut e titulluar Fotografi artistike.

Mimoza (1979) është fotografe dhe kuratore shqiptare nga Maqedonia. Jeton dhe punon në Berlin. Në studion dhe galerinë e saj JAMMIN ajo ndërlidh në një koncept të përbashkët, fotografinë komerciale dhe artistike. Përveçse në Berlin, Mimoza ka pasur ekspozita edhe në Vjenë, Nju Jork, Mynih, Tiranë, Prishtinë, etj. Në vitin 2008, ajo fitoi çmimin e parë për Fotografi artistike nga Galeria Kombëtare e Kosovës.

21244650_1680792805286402_1164724996_n„Mimoza bën me aparatin e saj, fotografi unike, që në stilin e tyre kërkojnë kohë për t’i vështruar. Ajo e ka ruajtur veçantinë e artit të saj, duke krijuar atë lloj ekspresionizmi që të çon me dashje apo pa dashje tek emri i autores.” – Elsa Demo

Çështja e identitetit personal mbase është si ajo e Ikarit, apo edhe e Krishtit, por që Mimoza Veliu e kap në momentin më pak të përcaktuar, më dual, më hipotetik, më të hapur të tyre, dhe këto nga një pikënisje të sensibilizimit gjinor të gruas që në shumicën e këtyre imazheve mishëron tensionin e kryqëzimit në një dimension që gjithnjë mbetet mistik.” – Shkëlzen Maliqi

20067682_1631791930186490_1973232397_n (1)

„Ajo sfidon teknologjinë. Ka shumë artistë që fotografinë ua bën aparati dhe teknologjia, Mimozes ia bën shpirti.” – Shpend Bengu

Kuratori i ekspozitës, Goranço Gjorgievski ju informon se ekspozita do të jetë e hapur për publikun deri më 29 shtator 2017.

no comments

Read more...

„Nga tradita”, ekspozitë në suazat e manifestimit “Nov kulturen bran”

Reshat Ameti pokana

Ju informojmë që Galeria Kombëtare e Maqedonisë ka nderin e veçantë t’ju ftojë në ekspozitën e pavarur të piktorit akademik dhe profesor në Universitetin Shtetëror të Tetovës, z. Reshat Ameti.

Ekspozita do të jetë e hapur më 2 shtator, 2017, në orën 20.00, në objektin Çifte Hamam. Ajo do të hapet nga drejtoresha e GKM, dr. Dita Starova Qerimi.

Reshat Ameti ka lindur në Gostivar (1964). Ka diplomuar në Fakultetin e Artit Figurativ në Shkup në vitin 1989, në klasën e prof. Ana Temkova, ndërsa punimin e diplomës e ka mbrojtur te prof. Risto Kalcevski.

Është fitues i më shumë çmimeve dhe lëvdatave si çmimi i pikturës “Lazar Licenoski”, nga SHAFM – 2009 dhe “11 Tetori” për krijimtarinë jetësore në fushën e artit dhe kulturës, 2013. Është pjesëtar i shumë kolonive të artit figurativ brenda dhe jashtë shtetit.

“Në ekspozitë do të shfaqen vepra të ciklit të titulluar “Nga tradita”. Bëhet fjalë për më shumë piktura në një teknikë të kombinuar dhe vaj në pëlhurë. Nuk ka dyshim që Reshat Ameti është piktor i sekreteve të pëlhurave të veta. Ai me fuqinë e qenies së tij e zbulon duke nxjerrë nga shikuesi i pikturave të tij, fuqinë intuitive të reflektimit dhe perceptimit të brendshëm.” Maja Kërstevska

Kuratorja përgjegjëse është Maja Kërstevska. Ekspozita është pjesë e manifestimit me rastin e hapjes së sheshit të “Skenderbeut” dhe do të zgjasë deri më 16 shtator 2017.

no comments

Read more...

Helidon Gjergji në Çifte Hamam

Më 1 gusht, e martë, në orën 18, në objektin Çifte Hamam, Galeria Kombëtare e Maqedonisë ka nderin që publikut t’ia prezantojë projektin (H)am(m)am. Autor i këtij projekti është artisti multimedial, Helidon Gjergji.

helidon gjergi

Helidon Gjergji (i lindur në vitin 1970 në Tiranë, Shqipëri) është një artist bashkëkohor i cili punon me media të ndryshme. Ka kryer studimet në Akademinë e Arteve në Tiranë. Me hapjen e kufijve të Shqipërisë në vitin 1991, u transferua në Itali, ku studioi më tej artet vizuale dhe ka diplomuar në Akademinë e Arteve të Bukura në Napoli, Itali. Në vitin 1997, u transferua në Çikago, ku është përsosur në teorinë dhe praktikën e artit në Universitetin e Çikagos. Aktualisht jeton në Nju Jork dhe jep mësim në SUNY Old Westbury.

Gjatë karrierës së tij Helidon ka punuar në fusha të ndryshme, pikturë, instalim dhe arkitekturë. Megjithatë, përmes mediave të ndryshme, Helidon në veprat e tij shqyrton në mënyrë të vazhduar porozitetin dhe brishtësinë e kufijve midis mediave të ndryshme, vetes dhe parametrat e ndikimit individual.

helidon gjergi portretVeprat e tija të para të ekspozuara kanë si temë kryesore narcisizmin e angazhimit tonë me mediat, duke i vendosur në mënyrë fantazmagorike televizorët dhe shikuesit në kornizat e ambienteve me pasqyrë, dhe duke e shprehur potencialin dhe cilësinë e tij në mënyrë provokuese, duke e ftuar shikuesin të bëjë fotografi nëpërmjet telekomandës programuese si një vello që dridhet mbi pëlhurë. Për Bienalen e 57-të të Venecias (2007), ai ka krijuar vendin e varrimit për mediat e gjeneratave të kaluara dhe i ka zëvendësuar objektete e tyre me një rënie të natyrshme me ekrane të rrafshëta ku paraqitet peizazhi i sotëm i ynë medial. Një retrospektivë e shkurtër e artit të tij me video është ekspozuar edhe në Galerinë Kombëtare të Artit në Shqipëri në vitin 2014. Përkrah veprave të tija me specifika hapësinore për lokacione të caktuara, Helidon gjithashtu prodhon vepra monumenatale të karakterit publik. Për Projektin për fasada në Bienalen e 4 ndërkombëtare të Artit Bashkëkohor në Tiranë (2009), Helidoni ishte i ftuar që të pikturojë fasadën e një ndërtese të madhe komuniste, të cilin ai e mbuloi me vizatime të epokës digjitale, me ç’rast qartësisht zbuloi distancën kognitive mes lëkurës arkitektonike dhe Mjedisit të brendshëm të shoqërisë bashkëkohore postkomuniste.
Për projektin Bienale 3 në Konjik, Bosnë dhe Hercegovinë (2015), Helidoni krijoi një vepër arti për bunkerin automatik të ish Jugosllavisë, i cili ngjason me një nga korridoret e tij të ngjashme me tunelet shkëmborë – një sallë me pasqyra ku shprehjet e video lojrave ushatarake kthehen në ad infinitum, e rrethojnë shikuesin me kode dhe një iluzion dydimensional lojërash. Për Manifesta 8 (2010), ai krijoi një instalacion arome prej erëzave të tregut që kanë të bëjnë me komunitetet etnike të cilat jetojnë në Mursi (Spanjë). Publiku ishte i ftuar të shikonte këtë “muze” të padukshëm , e megjithatë të hapur prej arome, ndërsa u analizuan reagimet personale në lidhje me aromat individuale dhe sekuensionimin e tyre.

no comments

Read more...

Shënimi i Ditës Botërore dhe Evropiane të muzeve

Ju lajmërojmë që Galeria kombëtare e Maqedonisë me një nder dhe kënaqësi të veçantë do të shënojë manifestimin e “18 Majit – Ditës ndërkombëtare të muzeve”.

Temën të cilën e shpall Këshilli ndërkombëtar i muzeve (ICOM), me seli në Paris, Francë dhe e cila vlen për të gjitha shtetet për vitin 2017 titullohet: “Muzetë dhe historitë kontestuese – duke rrëfyer të parrëfyeshmet në muzetë” (Museams and contested histories: Saying the unspeakable in museums).

Kjo temë fokusohet tek roli i muzeve, të cilët, duke punuar për të mirën e shoqërisë, bëhen qendra për kthimin e paqes mes popujve. Gjithashtu, ajo thekson se si pranimi i historive kontestuese është hapi i parë drejt ëndërrimit të një të ardhmeje të përbashkët në shenjë paqeje. Duke zgjedhur të rrëfehet e parrëfyeshmja në muzetë, tema e Ditës Ndërkombëtare të muzeve për 2017 ka të bëjë me mënyrën se si duhen kuptuar aspektet e pakuptueshme të historive problematike të njerëzimit. Ajo gjithashtu është nxitës për muzetë, që të luajnë rol aktiv në zgjidhjen paqësore të historive traumatike nëpërmes mundësimit të shprehjes së këndvështrimeve të ndryshme dhe fokusohet tek lidhja mes ëndërrimit të një ardhmërie e cila i tejkalon temat tabu dhe çon drejt një mirëkuptimi më të madh.

Galeria kombëtare e Maqedonisë e jep kontributin e saj në shënimin e kësaj dite nëpërmjet një numri aktivitetesh që do të ndodhin pikërisht më 18 maj (e enjte), në hapësirat ekspozuese të galerisë:

1.“Labirint i artit” , ndarje e çmimeve nga loja shpërblyese e muzeve, Hamami i Daut Pashës, ora 12.

Kjo lojë shpërblyese, e cila për herë të parë ka një karakter hulumtues të përfaqësuar nëpërmjet Ekspozitës së përhershme të Galerisë kombëtare të Maqedonisë, do të vijojë me program muzikor.

2.Hapje e ekspozitës “Ivan Meshteroviq, litorgtafi nga Koleksioni i Galerisë kombëtare të Maqedonisë”,            Çifte hamam, ora 19.

Ekspozita do t’i ofrojë publikut maqedonas një mundësi të rrallë që të shohë litografi origjinale (21) nga skulptori botëror Ivan Meshteroviq (1883-1962), kësaj here të përfaqësuar si vizatues dhe grafist. Veprat janë pjesë përbërëse e hartës së litografive nga viti 1923 dhe nën pronësinë e Galerisë kombëtare të Maqedonisë (nga i ashtuquajturi kompilacion eks-jugosllav). Harta do të vijojë me prezantim të 2 skulpturave të artistit, gjithashtu pronësi e Galerisë kombëtare.

       Ekspozita “Ivan Meshteroviq”, litografi nga Koleksioni i Galerisë së Maqedonisë” është e përfshirë edhe në kornizat e manifestimit “Nata evropiane e muzeve 2017”, e cila do të mbahet më 20 maj 2017. 


  1. Hapje e ekspozitës “Përjetimet e NINAVALES”, Çifte hamam, ora 20.

Nina Kovaçeva dhe Valentin Stefanov janë artistë të rëndësishëm të artit figurativ, të cilët vijnë nga Republika e Bullgarisë, por sot jetojnë dhe punojnë aktivisht në Republikën e Francës dhe përfaqësojnë një çift të rrallë të suksesshëm në artin bashkëkohor në skenën ndërkombëtare. Projekti më i ri “PËRJETIMET E NINAVALES” i Nina Kovaçevës dhe Valentin Stefanovskit përfaqëson një simbolikë të frytshme mes dy vijave kreative të të menduarit, të cilat e mbajnë individualitetin personal, duke krijuar njëkohësisht një individualitet të ri – NINAVALE dhe është krijuar në veçanti për hapësirën karakteristike të objektit Çifte Hamam. Artistët e këtij projekti përdorin një spektër të gjerë të mundësive të shprehura teknikisht si video, neon, zë, objekte, etj. Gjithmonë të kursyer në përdorimin e fotografive, me një mbrojtje mjaft të mirë të zërit, ndonjëherë duke përdorur edhe gjuhë dezorientuese që i zhvesh konvencionet për jetën e përditshme dhe bazohet tek mekanizmat tanë të të menduarit, ata mbajnë balancë mes relacionit në sferën personale me dimensionin social dhe bëjnë miks mes realitet dhe imagjinatës. Me këtë, artistët konceptojnë një vepër artistike e cila shkallë-shkallë i çon vizitorët përgjatë ekspozitës me qëllim që t’u parashtrojë disa pyetje fundamentale të lidhura me ekzistencën dhe botën bashkëkohore.


  1. Ekspozita e absolventëve nga Fakulteti për art figurativ në Universitetin Shtetëror të Tetovës, nga klasa e prof. Reshat Ameri, hamami i Daut Pashës, gjatë gjithë ditës.

Përveç ekspozitave dhe aktiviteteve të përmendura, në kornizat e manifestimit “18 Maj – Dita ndërkombëtare e muzeve” Galeria ndërkombëtare e Maqedonisë, merr pjesë aktive në shënimin e “Natës evropiane të muzeve 2017”, e cila do të mbahet më 20 maj, 2017. Të gjitha objektet do të jenë të hapura për vizitë, duke ofruar mundësinë që të shikohen ekspozitat tashmë të vendosura: Goce Nanevski “Anatomia e shekullit” dhe “Nikolla Martinoski, fillime 1912-1929” në Qendrën multimediale Malla Stanica, si dhe Ekspozitë e përhershme në objektin Hamami i Daut Pashës.

Më 18 dhe 20 maj 2017, të tre objektet e Galerisë kombëtare të Maqedonisë – Hamami i Daut Pashës, Çifte hamami dhe Qendra multimediale “Malla Stanica”, do të jenë të hapura për vizitë nga ora 10-22, ndërsa hyrja është falas. 

no comments

Read more...

“Muaji i Nikolla Martinoskit” në Galeria kombëtare

Me rastin e “Muajit të Nikolla Martinoskit”, Galeria kombëtare e Maqedonisë ju informon që do të realizohen tre ngjarje të rëndësishme në emër të trashëgimisë kulturore që e la pas piktori bashkëkohor i pikturës dhe artit figurativ të Maqedonisë.

покана Мартин за принтNgjarja e parë, promovim i monografisë

Më 5 maj 2017 (e premte), në ora 11 në Galerinë kombëtare të Maqedonisë, në objektin Malla Stanica, do të realizohet promovim i monografisë “Nikolla Martinoski deri 1945”. Botues i edicionit monografik është Galeria kombëtare e Maqedonisë, ndërsa autor i monografisë është Prof. Dr. Kirill Penushliski. Mbi monografinë, në promovim do të flasin dr. Dita Starova Qerimi, drejtoreshë e Galerisë kombëtare të Maqedonisë, piktori akademik Rubens Korubin dhe akademiku Vllada Urosheviq.

Ngjarja e dytë, hapje e ekspozitës

Si vazhdimësi e studimit hulumtues, përkrah promovimit të monografisë, do të realizohet edhe një ekspozitë me fotografi dhe fotoproduksione të veprave të Martinoskit që datojnë nga vetë fillimi i karrierës së tij në artin figurativ. Ekspozita mban titullin “Nikolla Martinoski, fillime 1919-1929”do të jetë e hapur dhe e vendosur në Malla Stanica më 11 maj 2017 (e enjte), në orën 20.

Ngjarja e tretë, ligjeratë e dr. Kirill Penushliski

Më 16 maj 2017 (e martë) në Malla Stanica, ora 11,  Prof. Kirill Penushliski do të mbajë ligjeratë me temë “Nga Martini në Martinovski”

******************************************************************************************************

Këtu do të shihni disa nga titujt që e përshkruajnë përmbajtjen e edicionit monografik dhe të ekspozitës.

Martinoski 1919-1929, tentimet e para në pikturë

“Nikolla Martinoski – fillime, 1919-1929” bashkon tridhjetë fotografi që shfaqin udhën zhvilluese të Martinoskit në periudhën më të hershme të karrierës së tij dhe për herë të parë publiku i Maqedonisë ka mundësinë të shohë një tregim koherent të një periudhe të krijimtarisë së tij.

Ekspozita fillon me tentimet e para të Martinoskit në pikturë, duke përfshirë edhe fotografinë “Peizazh” nga koleksioni privat në Shkup – e cila është me shumë siguri vepra më e moçme e ruajtur e Martinoskit. Fotografia daton nga 1919, në kohën kur Martinoski akoma ka qenë pjesë e punëtorisë së zografit të fundit maqedonas – Dimitrie Papradishki.

“Peizazh”

Martinoski , qëndrim studimor, Shkolla e arteve të bukura, Bukuresht 1920-1924

Nga qëndrimi shtatëvjeçar i Martinoskit në Bukuresht, si student i Shkollës së atëhershme të arteve të bukura, këtu janë shfaqur më shumë fotografi. Nga koha kur ai ka marrë pjesë në kursin bazor të Shkollës (në periudhën prej 1920-1924), duhet veçuar “Natyrë e vdekur me kafkë” dhe “Vajzë pranë pianos”. Ndërkohë që e vogla “Në fushë” (Vo pole) simbolizon drejtimin e ri të artit të Martinoskit që fillon në momentin kur ai e ka regjistruar kursin special të fotografisë në Shkollën në Bukuresht, në klasën e Kamil Resu, në vitin 1925.

“Natyrë e vdekur me kafkë”

“Vajzë pranë pianos”

Ndryshim i shprehjes figurative, Paris, 1928-1929

Qëndrimi i shkurtër i Martinoskit në Paris (nga fundi i 1928 deri në fund të vitit 1929) në ekspozitë është “ilustruar” me vepra si “Portreti femëror”. Vepra që qartësisht e shfaqin ndryshimin e shprehjes figurative të artistit të ri, e cila ndodh pas përballjes së tij me artin modern në Paris.


“Portret femëror”

Kthim në Maqedoni, ekspozotë e parë e pavarur në vitin 1929 

Fotografitë nga Muzeu në Smederevo “Vajzë me shtambë dhe një riosh” dhe “Peshkatarë nga Ohri”, si dhe veprat “Fshatare romane në peizazh 1 dhe 2” (të dyja nga koleksione private në Serbi), “Cigane që pi kafe” (në pronësi të Galerisë kombëtare të Maqedonisë) dhe “Nën kryqëzim”(Pod raspetieto) ”(koleksion privat Shkup), janë mes tentimeve të para në pikturë të Martinoskit pas kthimit në Maqedoni dhe njëkohësisht ato janë edhe veprat që ai i ka ekspozuar në ekspozitën e tij të parë në Shkup në vitin 1929.


“Cigane që pi kafe” (pjesë e ekpozistës së përhershme të Galerisë kombëtare të Maqedonisë në Hamamin e Daut Pashës)

Fotoproduksione të veprave që asnjëherë nuk i janë shfaqur publikut maqedonas

Për më tepër, “Nikolla Martinoski – fillime, 1919-1929” është pasuruar me disa foto-reproduksione të veprave që kanë dëmtuar dhe nuk kanë qenë në gjendje për t’u transportuar në Shkup.


Fotografi: “Natyrë e vdekur – Bordeaux”

amin e Daut Pashës)

no comments

Read more...

Goce Nanevski – Autonomia e shekullit

Autonomia e shekullit, videotrilogjia e Goce Nanevskit, do të shfaqet më 4 maj (e enjte), në Malla Stanica, ora 20

nanevski 1

Projekti më i ri – tre video individuale – kanë karakter konceptualo-dokumentar. Në këtë trilogji, Nanesvki është i angazhuar socialo-politikisht. Gjuha e tij nuk është e drejtpërdrejtë dhe fjalë për fjalë, nuk është reagim apriori dhe kritikë ndaj përditshmërisë aktuale, por, nëpërmjet historive të shkurtra esenciale, me një konotacion shumë të përgjithësuar, udhëzon drejt deformimeve mjaft të rëndësishme të vetëdijes shoqërore, të cilat e përkufizojnë  identitetin e përfaqësuesit të një shoqërie transformuese pa u shpalosur dukshëm.


Në Ragjanje (Lindje), е përpunon aspektin e shumëfishtë të lindjes, së parë përmes prizmave të ndryshëm, nga ai më bazori që është lindja biologjiko-fizike – e shfaqur përmes bisedës me një mjeke gjinekologe dhe embriologe (poashtu shtatzënë me fëmijën e parë), si dhe lindja shpirtërore dhe përjetimi i Zotit – në formën e aspekteve filozofike të një prifti ortodoks – dhe njëkohësisht i doktoruar për filozofi. Më pas, nëpërmjet ontologjisë për “lindjen” filozofike dhe lindjes shoqëroro-sociale dhe zhvillimin – nga qëndrimet e një të doktoruari për filozofi, profesor dhe analist i gjendjeve socialo-politike, e deri tek historitë e grave mbi fiziologjinë e gruas-nënë – profesioniste të suksesshme në fushat e tyre, jetët e të cilave ndryshojnë kur sjellin në jetë një qenie të re që i bekon dhe i bën njerëz më të mirë (pavarësisht nëse bëhet fjalë për një ose më tepër fëmijë).



Sudbina (Fati), nga ana tjetër, trajton përfaqësues të kategorisë më të cënueshme të qytetarëve të Maqedonisë, të cilët janë krejtësisht të margjinalizuar -  romët, njëkohësisht minoriteti me të cilin fjala “fat” lidhet si në kuptimin pozitiv ashtu dhe në kuptimin negativ. Integrimi dhe emancipimi i Romëve tek ne ka marrë një vrull të veçantë në dekadën e fundit, në veçanti në fushën e edukimit dhe përfshirjes në sferat shoqërore, por për fat të keq, akoma, nga njerëzit që kërkojnë lëmoshë takojmë vetëm romë (pa dallim moshe). Në videon e tij, Nanevski e problematizon këtë mikrokozmos, që në mënyrë indirekte të kritikojë në dy drejtime – edhe shoqërinë, e cila nuk përkujdeset mjaftueshëm, por edhe vendimin e kësaj bashkësie që të përmbushet me stereotipet dhe të mos vetëdijesohet se vendimi për fatin e secilit është në duart e veta. Vizualisht, kjo video është pa ngjyra, d.m.th bardhë e zi, ndërsa është përdorur dhe muzikë origjinale, zhurmë nga videofrejmë të ngrirë me efektin e borës, si dhe zëra dhe kuadro që janë arritur me rrjedhjen e pakontrolluar të një videosekuence të caktuar.


Në videon e tretë, Nie, vampirite (Ne, vampirat), Nanevski merret me thëniet dhe historitë e popujve të vjetër dhe të fiseve maqedonase që janë transmetuar brez pas brezi,  tek të cilat thuhej se njerëzit kanë besuar në vampirë, që gradualisht dialogu të çojë drejt analizës së shoqërisë aktuale dhe personifikimit të problemeve aktuale në botën politike, ekonomike, sociale dhe kulturore si vepër vampirësh. Duke i dhënë një dimension humoristik të gjithë videos, në fakt, me shumë kritikë dhe autokritikë, autori konstaton se të gjithë jemi vampirë në kohën e sotme, se të gjitha keqinformimet shoqërore të tanishme ndodhin për shkak nesh dhe se ato fillojnë direkt ose indirekt nga të gjithë faktorët socialë të një bashkësie. Një koment interesant i bashkëbiseduesit Kosta thotë: “…vampirët të marrin katër thasë, por njërin t’a lënë…”, që do të thotë një farë etike kanë pasur…”, për dallim nga “vampirët bashkëkohorë” që nuk kanë etikë, e aq më pak moral dhe skrupull.

Videot kanë dhe element argëtues pasi luajnë në vijën e hollë mes seriozitetit dhe angazhimit të tejtheksuar dhe humorit, mes mendimeve të thella dhe modeleve që kanë filozofi të cekët jetësore, etj. Nanevski e formon vizualisht perceptimin personal për anatominë e jetës, d.m.thpër aspektet konnstruktive të jetës (si skulptura), duke iu qasur atyre siç i qaset një skeleti që kërkon staticitet dhe qëndrueshmëri.

Ekspozita do të mund të shihet deri më 24 maj, 2017.

no comments

Read more...

Nata Evropiane e Muzeve 2017

Ju njoftojmë se Galeria Kombëtare e Maqedonisë këtë vit është pjesë e manifestimit Evropian “Nata evropiane e Muzeve 2017″ i cili do të mbahet më 20 maj, 2017.

Иван Мештровиќ, од мапата литографии (1), 1923 год

Kjo ngjarje do të mbahet në të gjitha muzetë e Francës dhe në të gjitha muzetë evropiane që dëshirojnë të bashkëngjiten, ndërsa hyrja në “Natën evropiane të Muzeve 2017″ është e lirë për të gjithë vizitorët.

Kjo ngjarje mbështetet nga Ministria e Kulturës dhe Komunikimit të Francës, Këshilli i Evropës, ICOM, UNESCO si dhe nga Shoqata e Muzeve në Francë, Federata “Miqtë e Muzeve”, TV5MONDE, Radio France dhe të tjerët.

Galeria Kombëtare e Maqedonisë në kuadër të manifestimit “IVAN MESHTROVIQ”, grafikë nga depot e GKM-së” i cili do të paraqitet në Çifte Hamam prej 18 – 31 maj, 2017.

Ekspozita do t’i ofrojë publikut maqedonas një mundësi të rrallë për të parë litografi origjinale (21) të skulptorit me fame botërore Ivan Meshtroviq (1883-1962), kësaj radhe i paraqitur si një piktor dhe grafik. Punimet janë pjesë e hartës të litografive të vitit 1923 dhe janë në pronësi të Galerisë Kombëtar të Maqedonisë (koleksioni ish-Jugosllavë). Harta do të shoqërohet edhe me dy skulptura të tjera të këtij autori, gjithashtu pronë e Galerisë Kombëtare.

Ekspozita synon të paraqesë para publikut vendor mjeshtërinë figurative dhe grafike të skulptorit Ivan Meshtroviq. Kjo është një mundësi e rrallë që publiku në vend, t’i sheh këto vepra që ekspozohen për here të pare, dhe janë pjesë e të ashtuquajturit koleksion Ish-Jugosllavë i galerisë të asaj kohe të artit “Shkup” e mbledhur sistematikisht në gjysmën e dytë të viteve të dyzeta të shekullit të kaluar. Duke vlerësuar profilin e Meshtroviq si një artist botërore, besojmë se ekspozita do të zgjojë interes të pazakontë.

Informacione në lidhje me pjesëmarrjen tonë në manifestimin Evropian “Nata evropiane e Muzeve 2017″ mund të gjenden në linkun e mëposhtëm:

http://openagenda.com/ndm-2017-europe/events/ivan-mestrovic-prints-from-the-collection-of-the-national-gallery-of-macedonia

 

no comments

Read more...

Teuta Hoxha Imeri në Galerinë MC New York

Gjatë muajit prill 2017, do të realizohet një projekt, i cili është pjesë e programit vjetor të Galerisë Nacionale të Maqedonisë, në kornizat e bashkëpunimit ndërkombëtar, të mbështetur nga Ministria e kulturës së R.M. Në Qendrën kulturore të Maqedonisë në Nju Jork, SHBA (Gallery MC New York) do të hapet ekpozitë e grafikave të artistes Teuta Hoxha Imeri.

Teuta Cover

“Shprehja grafike e konceptuar në mënyrë abstrakte e Teutës përfaqëson një imazh autorefleksiv, autoreferent të gruas-nënë, gruas-bashkëshorte dhe gruas-krijuese. Në këtë treshe, ajo përpiqet ta aktualizojë edhe çështjen e identitetit individual në hierarkinë thellë të rrënjosur në hierarkinë shoqërore…

Arti i Teuta Hoxha Imerit padyshim përfaqëson shprehje lirike të një eksperience të përjetuar në mënyrë intime. Çdo grafikë më vete përfaqëson një vajtim të sofistikuar vizual, i cili nëpërmes gjendjeve të tij emocionale bën progres dhe vijon nga një grafikë tek tjetra. Letra autobiografike e Teutës përfaqëson një përkthim vizual të qëndrimit të saj personal nëpërmes fushave të ndryshme jetësore…”

no comments

Read more...