Прес по повод изложбата „Копнеж по реалното“ во Чифте амам

Ве известуваме дека во Националната галерија на Македонија, објект Чифте амам, на 8 јули 2013 година (понеделник) во 11 часот ќе се одржи прес конференција по повод изложбата Копнеж по реалното, изложба на современи австриски уметници.

NGM Einladung Skopje-DIGITAL front

Оваа изложба е во соработка со Министерството за култура на Република Македонија и Министерството за култура на Австрија.

NGM Einladung Skopje-digal back

no comments

Read more...

Свечено отворање на изложбата на Демир Бељуљи

Во Националната галерија на Македонија, објект Чифте амам, на 22 јуни 2013 година во 12 часот се отвори изложба на Демир Бељуљи. Во присуство на бројната публика, изложбата ја отвори директорката на Националната галерија на Македонија, г-ѓа Халиде Палоши. Изложбата е во организација на Скопско лето 2013.

demir behluli plakat

behluli cifte ngm (1)

behluli cifte ngm (2)

behluli cifte ngm (3)

behluli cifte ngm (4)

behluli cifte ngm (5)

behluli cifte ngm (6)

behluli cifte ngm (7)

behluli cifte ngm (8)

behluli cifte ngm (9)

behluli cifte ngm (10)

behluli cifte ngm (11)

behluli cifte ngm (12)

no comments

Read more...

Демир Бељуљи изложува во Чифте амам

Во Националната галерија на Македонија, објект Чифте амам, на 22 јуни 2013 година во 12 часот ќе се отвори изложба на Демир Бељуљи.

demir behluli plakat

Ликовниот паноптикум во кој се изразува Белули опфаќа разнородни ликовни тематики и жанрови, а медиумите во кои ги овоплотува својата замисла и концепт се  разнородни техники од молив, темпера, акварел, туш, јаглен, маслена боја и слично, кои ги владее на достојно ниво. Во поглед на сижејните преокупации, треба да се нагласат неколку главни идеотеки што варираат интерно во стилскиот пристап кон нив. На пример, на прво место треба да се постави портретот, како една од мошне честите тематски одредници, кон кој пристапува на неколку начини. Реалистичниот начин на обработка на познати личности од албанската културна и општествена дејност го нагласува како автор што го знае класичниот третман на портретот, во кој фацијалната сличност и карактерната доловеност на портретираниот лик е предоминантна карактеристика. Освен овој реалистичен пристап, Демир Бељуљи знае и да експериментира и да пробува во други формати на портретна предаденост, мошне современо, концептуално, со помош на букви што наредени едни до други во даден систем обликуваат одреден лик.

demir behluli 44

demir behluli seklovic

Пејзажите се редовен спецификум во неговиот опус, од реалистични преку експресивни, импресионистички, надреалистични, па сѐ до апстрактно-асоцијативни, во духот на нервозна la linea, која певливо ја распорува белата монотонија на листот. Во пејзажите доминираат полиња, ливади, зимски пејзажи, планини, потоа специфичен му е циклусот „Планини, дрва и луѓе“, со надреален штимунг, во кој претенциозна нишка му е континуитетот и отпорноста на планините, дрвјата и луѓето без оглед на сите пречки и незгоди што се испречуваат на патот.

Вака опширниот уметнички ангажман на Демир Бељуљи со изложбата во Националната галерија на Македонија се детерминира како јубилеј од 75 години творештво и 58 години од првата самостојна изложба.

Изложбата ќе ја отвори г-а Халиде Палоши, директор на Националната галерија на Македонија.

demir behluli 17

 

Со почит,

Национална галерија на Македонија

no comments

Read more...

Изложба на Марија Светиева во Мала станица

Во Националната галерија на Македонија, објект Мала станица, на 21 јуни 2013 година (петок) во 20 часот ќе се отвори изложба на Марија Светиева.

marija svetieva plakat

Марија Светиева создава нестварен свет, сочинет од опипливи податоци на личното опкружување мистифицирајќи ја притоа реалноста се дотаму каде што се влегува во сферата на препознавањето на уметничкото поради што уметницата се радува на чинот на создавање надминувајќи го притоа чувството на осаменост и напуштеност, со што ова творештво со право може да го наречеме исцелително. Делата на уметницата радуваат и крепат, пленат со животна радост и хармонија произлезени од раскажувач на мали-големи нешта. Следиме лирска катарза, убавина на мислата и нејзина емоција. Прецизна гестикулација на цртежот што е продолжување и појаснување на содржината на мислата, односно на сонот-приказна. Силна ликовно лирична авантура, сензитивни сугестии, визуелизација и поетика во содејство со ликовниот гест.

Нејзината уметност е чувствување на животот преку невини асоцијативни претстави, микросостојби, временски и вонвременски за сето тоа да се преобрази во спас на траењето од заборав, односно да создаде миловидност што не познава загуби и погуби. Значи, создадена е уметност што магепснички плени, уметност што трепети буди и надежи гради. Сликарство отворено со бескрајна инвентивност мелодиски палети и хумани пораки, а раскошната слобода, пак, во играта на духот не плени со магична сила. Во секој случај, станува збор за совладана вештина на сликарските техники, а смелоста и антологискиот избор на чувствителноста е состојба што ја создава фаустовската авантура, но лично и самостојно без ничие посредништво. Секој нејзин потег намерен или не ја реализира целината на визијата, а таа, пак, може да ја сметаме за оправдана и можна или, пак, да ја доживееме како мноштво од метафигурални облици.

marija svetieva treperi zemjata pod moite noze

marija svetieva treperi kosmosot od ljubov1

marija svetieva kolaz2

marija svetieva karnevalmarija svetieva 1

Марија Светиева оваа година одбележува 25 години ликовно творештво.

Кустос на изложбата е Љупчо Маленков.

Изложбата ќе ја отвори г-а Халиде Палоши, директор на Националната галерија на Македонија.

Со почит,

Национална галерија на Македонија

 

no comments

Read more...

(фото) Изложба на Бубан и Мајер во Мала станица – отворање

Во Националната галерија на Македонија, објект Мала станица, во вторникот (11 јуни 2013 година) беше отворена изложбата на словачките уметници Стано Бубан и Ева Мајер.

eva-stano (1)

Ева Мајер е родена 1983 година во Соморја (Словачка) и е талентиран графички уметник на најмладата генерација. Дипломирала во 2008 година на Унгарскиот универзитет за ликовни уметности во Будимпешта. Главни теми на нејзината уметност е испитувањето на поединецот на патот во општеството.

Стано Бубан е роден 1961 година во Сечовце, Словачка. Во 1986 година дипломирал на Катедрата за сликарство на Академијата за ликовни уметности и дизајн во Братислава. Тој предава на Одделот за цртеж на Академијата за ликовни уметности и дизајн во Братислава. Неговите уметнички дела обично ни раскажуваат приказни, често инспирирани од библиски или историски теми но и од неодамнешните настани. Во последните години, неговите приказни во сликарство ги вообличува преку средствата на фигуралтивното сликарство. Методот кој тој го избира за сликање зависи, и е предмет на расположението, содржината, и идејата на пораката.

eva-stano (2)

eva-stano (4)

eva-stano

no comments

Read more...

(фото) Димче Николов во Чифте амам – отворање

Во Националната галерија на Македонија, објект Чифте амам, минатиот четврток (6 јуни 2013 година), се отвори изложба на Димче Николов (1953-1998), по повод 60 години од неговото раѓање.

Dimce Nikolov (2) (Copy)

Димче Николов претставува значајна и клучна фигура во на развојот на современата македонска графика и со неговата појава, кон крајот на 70-те години на 20-от век, оваа уметност доби поинаква димензија и квалитет во Македонија. Тој даде свој значаен придонес во афирмирањето на графиката како самостоен ликовен медиум.

Тој ја постави графичката уметност на исто рамниште со сликарството и со скулптурата. Претставувајќи ја својата ликовна преокупација преку класичните графички техники (линорез, литографија, сува игла, бакропис-акватинта), Николов постигна високо забележителен квалитет, со што остави неодминлива трага во развојот на графичката уметност во Македонија. Учествувал на сите значајни меѓународни графички годишни, биенални и триенални манифестации (Љубљана, Краков, Фрехен, Канагава, Барцелона, Варна, Фредрикштат, Намур, Шамалиер…).

Dimce Nikolov (1) (Copy)

Dimce Nikolov (Copy)

no comments

Read more...

Станислав Бубан и Ева Мајер во Мала станица

Почитувани, Ве информираме дека во Националната галерија на Македонија, објект Мала станица, на 11 јуни 2013 година (вторник), во 20 часот, ќе се отвори изложба на Стано Бубан и Ева Мајер.

stano and eva invitation-1

Ева Мајер е родена 1983 година во Соморја (Словачка) и е талентиран графички уметник на најмладата генерација. Дипломирала во 2008 година на Унгарскиот универзитет за ликовни уметности во Будимпешта. Главни теми на нејзината уметност е испитувањето на поединецот на патот во општеството.

Ева Мајер ги проширува границите на графичкиот жанр во нејзината уметност. Таа разработи своја специфична и уникатна техника со примена и комбинирање  на фотограм, дигиталната технологија и giclee печати. Нејзината уметност се занимава со проблематиката на односи меѓу поединците и општеството преку одраз на сопствените лични искуства. Ева Мајер смета дека ова е важно за создавање на врски во нејзината уметничка практика и го поканува гледачот во активно учество.

Нејзините интерактивни инсталации, видео и графички дела се предизвик за гледачот да се даде повратна информација од страна на динамички и визуелни просторни композиции. Нејзините лични теми прераснуваат во егзистенцијални прашања. Ова е причината зошто нејзината уметност е со човечки и универзални димензии во исто време, покрај справувањето со проблемите типични за Централна Европа.

Стано Бубан е роден 1961 година во Сечовце, Словачка. Во 1986 година дипломирал на Катедрата за сликарство на Академијата за ликовни уметности и дизајн во Братислава. Тој предава на Одделот за цртеж на Академијата за ликовни уметности и дизајн во Братислава. Неговите уметнички дела обично ни раскажуваат приказни, често инспирирани од библиски или историски теми но и од неодамнешните настани. Во последните години, неговите приказни во сликарство ги вообличува преку средствата на фигуралтивното сликарство. Методот кој тој го избира за сликање зависи, и е предмет на расположението, содржината, и идејата на пораката.

Ако некогаш се неговите дела се изработени во сликарски техники на “старите мајстори “, сега се плод на акорд на навидум брзи наноси на боја. Драмата  на поединецот во неговите дела  прераснува во генерализирана порака. Клекнатиот човек облечен во костум со главата надолу не е само загрижени човек, туку е современата слика на почетокот на кршењето на денешниот свет.

Quasso or The borders are in your head Somorja 2010

The_breaking_up_trial_Budapest 011

Со почит,

Национална галерија на Македонија

no comments

Read more...

Омаж за Димче Николов во Чифте амам

Во Националната галерија на Македонија, објект Чифте амам, на 6 јуни 2013 година (четврток), во 20 часот, ќе се отвори изложба на Димче Николов (1953-1998), по повод 60 години од неговото раѓање.

dimce nikolov cifte 1

Димче Николов претставува значајна и клучна фигура во на развојот на современата македонска графика и со неговата појава, кон крајот на 70-те години на 20-от век, оваа уметност доби поинаква димензија и квалитет во Македонија. Тој даде свој значаен придонес во афирмирањето на графиката како самостоен ликовен медиум.

Тој ја постави графичката уметност на исто рамниште со сликарството и со скулптурата. Претставувајќи ја својата ликовна преокупација преку класичните графички техники (линорез, литографија, сува игла, бакропис-акватинта), Николов постигна високо забележителен квалитет, со што остави неодминлива трага во развојот на графичката уметност во Македонија. Учествувал на сите значајни меѓународни графички годишни, биенални и триенални манифестации (Љубљана, Краков, Фрехен, Канагава, Барцелона, Варна, Фредрикштат, Намур, Шамалиер…).

Неговите квалитети биле високо ценети од критичарите и кураторите на овие манифестации и истите биле вреднувани со доделување на значајни награди, со што станува еден од најнаградуваните македонски графичари и воопшто уметници. Дипломирал на Факултетот за ликовна уметност во Љубљана а потоа во 1980 завршил постдипломски студии на графика во класата на проф. Богдан Борчич. Од 1986 до 1998 работел кака професор и декан на Факултетот за ликовна уметност во Скопје. Добитник е на многубројни меѓународни награди и признанија, како и на наградата за животно дело 11 Октомври на Република Македонија.

Изложбата ќе ја отвори г-а Халиде Палоши, директор на Националната галерија на Македонија. Кустос на изложбата е Мирјана Талеска.

Со почит, Национална галерија на Македонија

dimce nikolov cifte 3

dimce nikolov cifte 4

dimce nikolov cifte 2

 

no comments

Read more...

Silentio Pathologia пред Венециската публика

Македонскиот павилјон на 55 Венециско биенале имаеше одлично отворање, проектот Silentio Pathologia на Елпида Хаџи Василева предизвика неверојатен интерес кај публиката.

venezia bienale makedonski paviljon 1

На отворањето имавме повече од 200 гости, меѓу кои во најголем број галеристи, куратори, уметници, претставници на фондации, директори на музеи, делегации и слично. Моќниот проект, неговата комплексност и интригантност, одличната локација на нашиот павилјон, добрата маркетингшка покриеност сето заедно придонесоа да во изминативе 4 дена имаме над 1000 посетители.

И како што истакна Џил Хедли на отворањето: „По 20 години од првото претставување на Р.Македонија на Венециското биенале, за првпат се покажува со сериозен проект, проект кој нема да ве остави рамнодушен во секој поглед, поаѓајќи од грандиозноста, монументалноста, моќта на самото дело, преку неговата изведба, посветена работа, промисленост, па се до многубројните комплексни значења кои се преплетуваат во базичниот контекст“.

venezia otvoranje2

Директорката на Националната галерија на Македонија, Халиде Палоши, изјави дека:

Почитувани претставници на медиумите,

Дами и господа,

Ми претставува особена чест и задоволство денеска да ве поздравам и да ви се обратам како комесар на изложбата Силентио Патхологиа на авторката Елпида Хаџи-Василева, која е наш официјален претставник на 55-то Венециско биенале и како директор на Националната галерија на Македонија.

Со непосредната и несебична помош и поддршка на Владата на Република Македонија, Министерството за култура на Р. Македонија, како координатори на настанот, Министерството за надворешни работи на Република Македонија, македонскиот конзулат во Венеција, Британскиот уметнички совет, спонзорите, медиумите кои катадневно ги следеа подготовките, а сега веќе синхроно ги пренесуваат случувањата, стручниот и технички кадар на нашата институција Националната галерија на Македонија вклучени во реализацијата на овој проект, нашето претставување на 55-то Венециското биенале е мошне успешно, квалитетно и професионално, што и беше наш императив. Оттука ја изразувам нашата искрена благодарност до сите нив.

Македонското претставување на оваа престижна светска манифестација од визуелната уметност – Биеналето во Венеција е од големо значење за промоција и афирмација на Република Македонија, на македонската култура и уметност.

Елпида Хаџи-Василева е уметник со веќе потврден уметнички квалитет, талент и детерминираност што ги потврдуваат критичарите уште со нејзиното прво јавно претставување. Нејзиниот плодотворен и скалест креативен раст со исклучителни и забележани презентирања (пред сѐ, од еснафот, а атрактивни и за љубителите на уметноста), а од друга страна и нејзиниот квалитативно-сижејно концентриран понуден проект како предлог за претставник на македонскиот павилјон на 55-тото Венециско биенале се причини за добивањето на довербата на комисијата при Министерството за култура на Р. Македонија.

venezia otvoranje3

Silentio Pathologia е скулптурален објект-инсталација изработен за дадениот простор на прекрасниов објект Сцуола деи Ланери во Венеција. Проектот има длабока структурност во однос на пластичната изведба, т.е. тој е мошне диверзен, интригантен, предизвикувачки, намамувачки, шокантен, забавен, експресивен, наративен, едукативен и поседува многу други карактеристики и квалитети во однос на физичкиот изглед и естетската сензација.

Македонија се претставува со свој национален павилјон на Венециското биенале веќе по 9 пат и сигурна сум дека, нашиот овогодишен национален претставник ќе предизвика особен интерес и дека ќе биде одличен репрезент на македонската традиција и култура.
Елпида, искрено Ви честитам и Ви пожелувам многу среќа во понатамошната кариера, а во оваа прилика го прогласувам павилјонот за отворен.“

Хаџи-Василева и кураторот Франговска се презадоволни од проект и од неговата финална целина, од посетеноста на павилјонот, од реакциите, од интересот и се во очекување на продолжени и продлабочени презентации на самото дело и иницијација на наредни проекти и соработки со заинтересирани страни по многубројните остварени контакти.

no comments

Read more...

Националната галерија утре го отвара македонскиот павилјон во Венеција

Најнови информации за активностите на Македонскиот павилјон на 55. Венециско биенале. Инсталацијата на Елпида Хаџи-Василева успешно се постави во понеделникот. Општ впечаток на тимот на Национална галерија на Македонија е дека целината изгледа одлично, ја поседува трансцеденталноста, магијата, изненадувањето, шокот што сите го очекувавме.

venecisko bienale NGM Elpida Hadzi Vasileva (2)

И уметникот, кураторот, комесарот се презадоволни од самото дело, а за неговата интригантност говори и бројот на посетители. Во првите два дена на preview-то, македонскиот павилјон го посетија над 300 посетители, а некои од нив дошле по препорака од други кои веќе го виделе и препорачале проектот на Елпида Хаџи-Василева.

Никој не си замина рамнодушен, повеќето заминаа со воодушевеност за концепциската и визуелна комплексност на проектот, акцентирајќи ја истовремената сложеност и едноставност. Некои заминаа со доза на шок, но секако допре до сечиите сетила. Изложбата има голем одзив.

Официјалното отворање го очекуваме на закажаниот термин во петок, на 31 мај 2013 година, во 15 часот, а своето присуство го најавија голем број светски галеристи, куратори, колекционери.

venecisko bienale NGM Elpida Hadzi Vasileva (3)

venecisko bienale NGM Elpida Hadzi Vasileva (1)

venecisko bienale NGM Elpida Hadzi Vasileva (5)

venecisko bienale NGM Elpida Hadzi Vasileva (4)

1 comment

Read more...