Изложба на хрватската уметничка двојка Кожул/Жижиќ

recurring landscapes

Отворање на самостојна изложба на уметничката двојка Кожул/Жижиќ од Загреб, Хрватска на 5.05.2016 година во 12.00 часот.

На 4-ти мај (среда) во објектот Чифте амам на Национална галерија на Македонија во 11 часот ќе се одржи прес на кој ќе присуствуваат и уметниците.

Куратори на проектот се Вања Жанко од Загреб и Ана Франговска од Македонија. Малку повеќе информации на линкот подолу, а повеќе на прес конференцијата. Ве очекуваме.

http://nomad.hr/projects/zizic-kozul-recurring-landscapes-national-gallery-of-macedonia-skopje

„Горди сме што имаме можност да ве поканиме на првото македонско самостојна презентирање на Жижиќ и Кожул, изложба која ќе се состои од неколку инсталации произведени наменски за просторот на Чифте амам , кои произлегуваат од неодамнешната работа и интереси на уметниците. Оваа изложба го истражува феноменот на подоброто претставување и генеричкото искуство, кои се од централно значење за трансформирање на менталниот приказ под влијание на глобалниот пазар и маркетинг индустријата.“

Кожул и Жижиќ изјавуваат: „Живееме во апсурден момент кој е творечки неодолив“, сосема апликативна изјава и на актуелното македонско време. Оттука сигурни сме дека оваа изложба ќе го привлече вниманието на македонската публика и со својот визуелен аутфит, а и со концепциската содржина.

http://www.nomad.hr/content/2-members/9-kristian-kozul/zizic-kozul_cv.pdf

_____________________________________________

 

 

no comments

Read more...

Петта Годишна изложба на основните училишта

Во Чифте амам при Националната галерија на Македонија на 26.04.2016 год (вторник) во 13 часот ќе биде отворена Годишната изложба на основни училишта, програмски проект на едукативното одделение.

godishna izlozbaОвогодишната тема е „Пејзаж“, учесници се ученици од 6-то до 9-то одделение од сите основни училишта од градот Скопје. Младите автори изработија дела во повеќе техники (цртеж, фотографија, колаж, графика, темпера…)

Изложбата има натпреварувачки карактер, најдобрите творби ќе бидат наградени со цел да се подигне мотивацијата кај учесниците.

Овој Проект/изложба има традиционален карактер, се организира по петти пат во Националната галерија на Македонија, и истата ќе може да се погледне до 8-ми мај. Едукатор кој го води проектот е Маја Димитрова.

no comments

Read more...

Изложба на Вељо Ташовски во КИЦ Софија

На 22 април 2016 година (петок), во 18,30 часот во Културно информативниот центар на Република Македонија во Софија, Р. Бугарија ќе биде отворена изложба на Вељо Ташовски во организација на НУ Националната галерија на Македонија. Творештвото на Ташовски на бугарската публика ќе биде претставено со избор на дваесетина слики во комбинирана техника, масло на платно и свила.

veljo tashovski 3

Вељо Ташовски всушност, својот карактеристичен ликовен израз го гради постапно, бескомпромисно копајќи длабоко во себе, низ сопствената и низ традиционалната културна матрица, во кои се испреплетуваат личните, локалните, но и општочовечките димензии на толкување на животните вистини низ принципот на основните елементи, предадени во апстрактни и во асоцијативни површини. Восприемањето на творештвото на Вељо Ташовски не плени со постапното, но континуирано прочистување и на неговиот ликовен јазик.

Сликите на Ташовски и непосредно, и во индиректна смисла се обвиени со превез на мистичност преку синхронизираната игра на присутното и на отсутното, на реалното и на виртуелното, некаде доловено со вештината на цртачкиот елемент преку внимателното илузионистичко раслојување на плановите, а на друго место надградено со копринениот превез од свилениот материјал обработен вешто сликарски и цртачки. Притоа, носечките ликовни елементи, точката и линијата, геометриски распоредени во просторот преку линеарно-орнaменталниот преплет со алузија на мрежа и на витални органски структури, како и суптилниот колорит, нежен и лирски интониран, оддаваат силно чувство на мир и спокојство. Апстрактните и асоцијативни површини се плод на индивидуалното ликовно истражување што произлегува од исконската човечка потреба за воспоставување своевиден ред и поредок во хаотичноста на секојдневието. Оттука, општиот впечаток при доживувањето на неговите дела е чувството на бесконечно движење и живеење, постојано на границата меѓу конкретното и апстрактното.

veljo tashovski 2

Имено ликовниот дискурс на Ташовски се реализира во просторот меѓу илузијата и симулацијата. При тоа авторот се откажува од илузијата во нејзината класична означеност, но од друга страна, тој ја користи симулацијата во најмекиот и најприродниот вид, отворајќи пат кон индивидуалната ликовност. Идејата на авторот е преку ваквиот привид да ја нагласи основната специфичност на сликарството – двете димензии, односно апстрактната конотација на сликата создавајќи специфична “ликовна претстава на двата плана”. Композицијата што го следи принципот на апстрактното сликарство, флуидот на сликарската материја, отсуството на третата димензија…, свилата, бришењето на ефектот на прозорецот, атмосферата на тишина и спокојство – сите тие настојуваат да ги опросторат “сликаните” претстави на Ташовски до ниво на посакуваниот ефект на бескрајноста, до создавањето на слика-простор.

Вељо Ташовски, роден 1949 г. во с. Осој (Дебарско) завршил Академија за ликовни уметности – сликарски одел во Љубљана 1975 г каде и магистрирал 1979 г. Од 1976 до 1985 г. бил член на Друштвото на ликовни уметници во Словенија, а од 1976 г. член на Друштвото на ликовни уметници на Македонија. Работел како професор на Факултетот за ликовни уметости во Скопје. Имал повеќе самостојни изложби во Македонија и Словенија, земал учество и на голем број групни изложби во Словенија, Македонија, Италија, Полска, Хрватска, Грција, Романија, Србија, Чешка, Словачка, САД итн., добитник на бројни награди во Македонија, Словенија, Хрватска и Србија.veljo tashovski 1

Изложбата ќе ја отворат Васко Шутаров, директор на КИЦ на РМ во Софија и кураторот на проектот Маја Недекоска Брзанова, кустос во Националната галерија на Македонија. Истата ке биде поставена до 8-ми мај 2016 год.

no comments

Read more...

“Земна и небесна екстаза” во Мала станица

Националната галерија на Македонија, Музејот на град Скопје и Асоцијацијата за култура ИКОН со промоција на книга и отворање на изложба под наслов ЗЕМНА И НЕБЕСНА ЕКСТАЗА, светска љубовна поезија и сликарство на 15-ти април, Светски ден на уметноста.

mal stanica logo vlez

Автори – учесници на изложбата се Васко Ташковски, Владимир Георгиевски, Павле Кузмановски, Ниче Василев, Симон Шемов, Доне Милјановски, Петар Попчев, Стефан Хаџи-Николов, Новица Трајковски, Маријета Сидовски, Гоце Божурски, Решат Амети, Илија Спасовски-Чендо, Бук Митевски, Симонида Филипова-Китановска и Бернхар Холеман.

Инспирацијата учесниците ја црпена од антологискиот избор на поезијата на Соломон, Лермонтов, Хајне, Блок, Верлен, Лорка, Кович, Ацо Шопов и Анте Поповски.

Отворање на изложбата во објектот Мала станица во 20:30 часот.

no comments

Read more...

Распоред на активности од програмата на НГМ за април 2016 година

Borce Nikoloski Mala stanica 22

Распоред на активности од програмата на Националната галерија на Македoнија за април 2016 година

Мала Станица

15-20.04 Земна и небесна екстаза – љубовна поезија и уметност, организатор Маленко Љупчо 

На 15.04 Светскиот ден на уметноста ке биде отворење изложба на дела од 14 ликовни уметници инспирирани од светската лубовна поезија.Отворање 20:30 часот.
Изложбата ќе ја отвори Ефтим Клетников, вон програмска содржина.

 23.04-01.05 „Галерија на портрети“, куратор Ана Франговска 

Изложбата е практично збир на нематеријални дела, недофатни на перцепцијата на човекот со денешните биолошки перцептивни можности. Во повеќе од просториите на Мала станица, просторот се неутрализира од аспект на мирис (се варосува, а подот се брише со средство за неутрализирање), а потоа во секоја од просториите се поставува “мирисен квадрат”. Сопствениците на кучиња, по претходно закажен термин и добиени инструкции, ја посетуваат изложбата. Делото е невидливо за сопствениците, но не и за нивните миленици, чија реакција се документира (фотографии и видео). Во предвид доаѓаат само социјализирани миленици, навикнати на живот во затворен простор.

26.04-03.05 Изложба на фотографии, куратор Маленко Љупчо

Фотографии за развојот на Општината Кши Ченг од Пекинг, организатор Општина Центар, вон програмска содржина.

vana uroshevic postavka cifte (7) (Copy)

Чифте амам

06.04 Денот на лицата со аутизам, едукатор Маја Димитрова 
Креативни ликовни работилници и изложба по повод одбележување на лицата со аутизам. 6-ти април 2016 година. Во работилниците ке учествуваат 50 дечиња на возраст од 5-15 години во придружба на родители и дефектолози ангажирани од организации на невладиниот сектор.

16-25.04 Награда за млад ликовен уметник, организатор Центар за современи уметности

26.04 Годишна изложба на основни училишта, едукатор Маја Димитрова 
Годишна изложба на основни училишта од градот Скопје. Традиционална изложба каде учество земаат повеке од 800 ученици на возраст од 10-14 години. Отварање 13:30 часот

daut pasin amam

Даут-пашин амам

01.04 Коцерт Арјана Куриу-Груби

18:00 Проф.Арјана Куриу-Груби концерт-пиано

06.04 ,,Роман на годината” настан на “Утрински весник”
19-22:00 Свечено доделување на наградата “Роман на годината” за 2015 година”, “Телото во кое треба да се живее” на авторот Петар Андоновски.

22.04 „Денот на планетат земја“, едукатор Ацо Таневски

Ликовен хепенинг во дворот на Даут пашин амам.

28.04 Коцерт Сихана Јакупи
19:00 часот, ќе се одржи концерт на Сихана Јакупи – хорна и Арџира Чолаку – флејта. Ќе бидат изведени дела од повеќе композитори, меѓу кои и Haydn, Veber, Ravell и други.
Влезот е бесплатен.

———–

07.04 Самостојна Изложба на Решат Амети – во МАНУ, куратор Маја Крстевска

Изложбата ке биде поставена во месец Октомври, во изложбениот салон на Македонската Академија на Науките и Уметностите, каде ќе бидат поставени околу 30-тина дела, настанати во период од 2000-та година, до денес.

Предизвик и приоритет му се геометријата, пред се, видена во правилните форми на квадратот, триаголникот, кругот, или форми кои едноставно се врзуваат со човекот.На платната што ги работи се појавуваат конструкции од хоризонтални и вертикални линии, поставени под прав агол, кои уште повеќе ја интензивираат геометријата како принцип на неговите дела.

Во овој последен творечки циклус , повторно создава дела со различен стилско-содржински израз и таквите дела оставаат во исто време слоевитост на прикажаното, со светлина која ја оживува целата претстава.

Насловот на оваа изложба е “Лирска геометрија” и всушност е пресек на целото досегашно негово творење.

Меѓународна изложба

07-20.04 (По)трагите на водата – Акварел од колекцијата на Националната галерија на Македонија во КИЦ Софија, куратор Елена Георгиевска

kic sofija akvarel

Во Културно- информативен центар на Република Македонија во Софија, Република Бугарија се отвори изложбата со наслов (По)трагите на водата – Акварел од колекцијата на Националната галерија на Македонија. Акварелот како составен дел од Збирката на Националната галерија на Македонија, завзема значајно место, такашто со оваа изложба се презентира избор на дел од уметничките дела остварени во оваа ликовна техника.

Овој проект беше замислен како изложба со патувачки карактер истата беше поставена во повеќе градови низ Македонија (Велес, Крива Паланка, Штип, Битола, Кавадарци, Куманово). Истата, беше реализирана во соработка со Дирекцијата за култура и уметност- Скопје, и е во рамките на проектот „Кич, да!?/сте или не/“ поддржан од Министерството за култура.

akvarel kolekcija na ngmЉубителите на уметноста добија можност да видат селектирани дела од најстарата генерација автори од македонската современа ликовна уметност, како и од соседството.

Меѓу авторите на акварелите застапени во колекцијата на Галеријата се претставници од најстарата генерација современи академски сликари од Македонија – Михајло Шојлев, Димитар Аврамовски Пандилов, Киро Караџа, Лазар Личеноски, Вангел Коџоман, Љубомир Белогаски, Василие Поповиќ – Цицо, како и одредени познати имиња (врвни мајстори) од соседните држави (кои покрај сликарството работеле и акварели) – Томислав Кризман, Јован Бјелиќ, Коста Хакман, Петар Лубарда, Предраг Милосављевиќ – Пеѓа, Никола Славин.

Регистарот на акварелното сликарство, продолжува со создадени дела од авторите – Лена Стефанова, Ејуп Умер, Богољуб Ивковиќ, кои во својот творечки опус периодично или експериментално работеле акварел, или пак, негова имплементација во делото (цртеж во комбинирана техника со акварел, гваш) – Симон Шемов, Владимир Георгиевски, Станко Ѓорѓиев, додека некои од уметниците се најпрепознатливи во своето творештво во акварелната техника – Никола Бутров, Илија Кавкалески- Кавкале, Теофил Шулајковски-Тофе, Јакуп Хајро.

Истата ке биде поставена до 20.04.2016 година.

no comments

Read more...

Во Чифте амам изложба под наслов “Наречи ме љубов”

По повод април, месец на лица со аутизам, со особена чест Ве информираме дека во среда 6.04.2016 год во 15 часот, во Националната галерија на Македонија во објектот Чифте амам ќе биде отворена изложбата под наслов “Наречи ме љубов”.

nareci me ljubov za deca so autizam
Изложбата беше реализирана во соработка со здружението ,,Во МОЈОТ СВЕТ,, ПОУ Д-р Златан Сремец- Скопје, Центарот за аутизам и Асоцијацијата ,,Ластовица,, во кои учество земаа повеќе од 50 тина дечиња со аутизам. Во таа насока беа реализирани неколку ликовни работилници,а малите уметници насликаа преубави уметнички творби. Изложбата ќе биде отворена 10 дена за посетителите.

Имајќи го во предвид значењето на оваа зложба,наша цел и идеа е подигнување на јавната свест и зголемување на одговорноста кон овие лица ,како и нивна инклузија во сите сегменти на нашето живеење.

no comments

Read more...

„(По)трагите на водата“ – Акварелот од колекцијата на НГМ во Софија

akvarel kolekcija na ngm

Во Културно- информативниот центар на Република Македонија во Софија, Република Бугарија, на 7 април 2016 година (четврток) во 18:30 часот, ќе се отвори изложбата со наслов (По)трагите на водата – Акварелот од колекцијата на Националната галерија на Македонија.

Акварелот како составен дел од Збирката на Националната галерија на Македонија, завзема значајно место, такашто со оваа изложба се презентира избор на дел од уметничките дела остварени во оваа ликовна техника.

Овој проект беше замислен како изложба со патувачки карактер истата беше поставена во повеќе градови низ Македонија (Велес, Крива Паланка, Штип, Битола, Кавадарци, Куманово). Истата, беше реализирана во соработка со Дирекцијата за култура и уметност- Скопје, и е во рамките на проектот „Кич, да!?/сте или не/“ поддржан од Министерството за култура.
Љубителите на уметноста добија можност да видат селектирани дела од најстарата генерација автори од македонската современа ликовна уметност, како и од соседството.

kic sofija akvarel

Меѓу авторите на акварелите застапени во колекцијата на Галеријата се претставници од најстарата генерација современи академски сликари од Македонија – Михајло Шојлев, Димитар Аврамовски Пандилов, Киро Караџа, Лазар Личеноски, Вангел Коџоман, Љубомир Белогаски, Василие Поповиќ – Цицо, како и одредени познати имиња (врвни мајстори) од соседните држави (кои покрај сликарството работеле и акварели) – Томислав Кризман, Јован Бјелиќ, Коста Хакман, Петар Лубарда, Предраг Милосављевиќ – Пеѓа, Никола Славин.

Регистарот на акварелното сликарство, продолжува со создадени дела од авторите – Лена Стефанова, Ејуп Умер, Богољуб Ивковиќ, кои во својот творечки опус периодично или експериментално работеле акварел, или пак, негова имплементација во делото (цртеж во комбинирана техника со акварел, гваш) – Симон Шемов, Владимир Георгиевски, Станко Ѓорѓиев, додека некои од уметниците се најпрепознатливи во своето творештво во акварелната техника – Никола Бутров, Илија Кавкалески- Кавкале, Теофил Шулајковски-Тофе, Јакуп Хајро.

Куратор на изложбата е Елена Георгиевска, кустос во Националната галерија на Македонија.

no comments

Read more...

Изложба на Решат Амети по повод „25 години творештво“

Resat Ameti pokana

Во ликовниот салон при Македонската академија на науките и уметностите во соработка со НУ – Национална галерија на Македонија на 7 Април (четврток) во 19:00 часот, финансиски поддржана од Министерство за култура на РМ ќе се отвори самостојната изложба на Решат Амети по повод “25 години од неговото ликовно творештво”.

Со оваа изложба продолжува соработката помеѓу Националната галерија на Македонија и Македонската академија на науките и уметностите преку презентирање на ликовните остварувања на истакнати автори кои имаат особено значење во развојот на македонската современа уметност.

Националната галерија на Македонија и овојпат најпрофесионално ја организира ликовната изложба на ликовниот уметник Решат Амети и тоа беше предизвик токму тука да се презентира неговото богато уметничко творештво.

Дипломирал на Факултетот за ликовни уметности во Скопје 1989г. во класата на Ана Темкова, а дипломската работа ја одбранил кај Ристо Калчевски кој ја има извршено првата уметничка филтрација на Амети т.е. му го иницирал интересот за геометрија, информелноста, фактурност и текстурата за магијата на белината.

Изложбата е пресек на 25 годишното творештво на авторот, опфаќајки ги сите периоди во неговото сликарство. Станува збор за повеќе слики во комбинирана техника и масло на платно. Нема сомнение дека Решат Амети е сликар на тајната која на своите платна тој, ја открива со моќта на целокупното свое битиe барајки од гледачот на неговите слики интуитивна моќ на внатрешната рефлексија и перцепција.

Решат Амети е добитник на повеќе награди и признанија како наградата за сликарство “Лазар Личеноски” од ДЛУМ- 2009г. и “11 Октомвриската награда “ за сликарство 2014г. Учесник е на многу ликовни колонии во државата и надвор. Изложбата ќе биде отворена до 21 Април 2016г. ќе ја отвори Ефтим Клетников, поет.

Одговорен кустос : Маја Крстевска

no comments

Read more...

Изложба на уметнички дела и скулптури од галериски формат

Изложба на уметнички дела и скулптури од областа на визуелните уметности откупени на Конкурсот на Министерството за култура…

izlozba mala stanica otkup

Во Националната галерија на Македонија, објект Мала станица во вторник, 29.03.2016 во 12 часот ке биде отворена изложба на уметнички дела и скулптури од галериски формат од областа на визуелните уметности, откупени на Конкурсот на Министерството за култура во 2015 година.

Изложбата ке трае од 29.03. – 06.04.2016

________________________

Поставка…

no comments

Read more...

Изложба „Природа на универзумот“ на канадската авторка Жо Ан Ланвил

Jo Ann Lanneville 3

Во среда, 30. 03. 2016 година во 20 часот, во Националната галерија на Македонија, објект Чифте амам ќе биде отворена изложбата под наслов „Природа на универзумот“ на канадската авторка Жо Ан Ланвил.

Изложбата е организирана по предлог и во соработка со Канадската Амбасада од Белград, Република Србија. Изложбата ќе биде поставена 10 дена.

На изложбата ќе биде презентиран дел од творечкиот опус на канадската уметница Жо Ан Ланвил, која е мошне активен графичар. Таа е коосновач на Ателјето Прес Папие и Интернационалното Биенале за современа графика Троа – Ривириере. Имала повеќе од триесет самостојни изложби во Канада и во повеќе од десетина земји низ светот.

Jo Ann Lanneville 2

Исто така, добитник е на неколку награди во странство, а особено важна е Големата награда на Меѓународното биенале во Барат во Бопал, Индија, потоа наградата за најдобро графичко дело во Париз, и Почесната награда на Рексам – Меѓународното графичко биенале во Обединетото Кралство.

Изложбата „Природата на универзумот” е изложба на дела во која уметникот се обраќа на прашања за нарушувањето на еколошката рамнотежа, и им нуди на гледачите место за да се скријат и да не бидат сведоци на уништувањето на животната средина. Посетителите ќе имаат единствена можност да се запознаат со работата на оваа атипична уметничка преку три различни медиуми – графики, цртежи и објекти.

Jo Ann Lanneville 1

Соработката со Канадската амбасада преку овој проект продолжува и во иднина, а Националната галерија на Македонија и Министерството за култура, на овој начин ќе се вклучат активно во чествувањето на деновите на франкофонијата.

no comments

Read more...