Изложба на Евгенија Демниевска во Чифте Амам

покана демниевска1

Ретроспективна изложба на македонската уметница Евгенија Демниевска насловена „Метаморфози на линијата“ ќе се отвори на 5 октомври во 19 часот во Националната галерија на Македонија, објект Чифте Амам. Изложбата ќе трае до 29 октомври.

Демниевска рече дека ќе бидат изложени меѓу 50 и 60 уметнички дела кои го прикажуваат нејзиниот пат од почеток, од студентските денови, до тоа што го прави сега.

- На оваа изложба се избрани делата кои прикажуваат како се развивала идејата од почеток досега. Уметноста зборува за светот, каде се појавува идентитетот на светот. Тука има различни дела. Има еден дел каде се занимавам со слики во кои го прикажувам просторот, каде се наоѓа тоа што го гледаме, во кој простор, каде се појавува идентитетот на нештата, рече Демниевска.

Посочи дека изложбата е насловена „Метаморфози на линијата“, но, како што појасни, не се мисли само на линијата која е насликана, се мисли и на телефакс проекти, интернет проекти кои ги реализирала со многу учесници, уметници и публика која учествува во тие проекти на настани во исто време по повеќе градови.

- Тоа е друг вид творештво. Постојано правам многу експерименти со материјали. Сликав и на свила, пластика…Ќе има мало изненадување за посетителите на изложбата кое се вика „Мултиверзум на Евгенија и пријателите“, додаде Демниевска.

Ана Франговска, куратор на проектот „Метаморфози на линијата“, рече дека Демниевска создава слики, цртежи, графики, инсталации, видео арт, звучни инсталации итн.

- Ретко имаме можност да ја видиме Евгенија Демниевска во Македонија, иако нејзиното потекло е од тука и врши голем импакт врз нејзиниот ликовен израз. Мојата покана за да се направи една нејзина мини ретроспектива ја прифати, додаде Франговска.

Евгенија Демниевска е родена во 1946 година. Има дипломирано на Академијата во Белград каде ја завршува магистерската. Оттаму оди на постдипломски студии во Јапонија, каде живее четири пет години. Се стекнува со диплома магистер по уметност и се запознава со источната филозофија, со сите предизвици на јинг и јанг, на каратето како боречка вештина.

Таа веќе 30 години живее во Франција.

no comments

Read more...

Самостојна изложба на Евгениј Пантев во Мала станица

Националната галерија на Македонија на 3-ти октомври (вторник) ќе ја претстави самостојната изложба на графичарот Евгениј Пантев во објектот Мала станица. Отворањето на изложбата е со почеток во 20 часот.

pantev

Своето богато ликовно творештво несебично го има споделено со широката публика и љубителите на уметноста преку голем број самостојни изложби во земјава, над 100 национални и меѓународни групни графички изложби, биенални и триенални во Македонија, Бугарија , Србија, Босна и Херцеговина, Хрватска, Романија, Грција,Турција, Шпанија, Португалија, Франција, Англија, Белгија,Холандија, Италија, Полска,Литванија, Англија, Египет, ОАЕ , Канада ,Јапонија, Кина ,Русија ,САД и др.

Евгениј Пантев реализира дела што го ослободуваат неговиот поетски потенцијал создавајќи притоа една геометриска макроскопска визија. Разните форми на хартијата прават алузија на леден таен ритуал. Творештво што не бара препознавање, а во исто време раскажува, но и сугерира. Делата на Пантев се со бистар, јасен говор и прецизен потег. Станува збор за афинитет кон одредени облици во просторот кои прават хармонична усогласеност. Авторот со строги канони и ставови, верен на традиционалните графички техники, особено сува игла, е во постојано испитување и истражување во обликувањето на просторот и материјалот, при што настануваат дела со разновидност и разномерност. Оттука и овие облик-знак, знак-симбол или симбол-облик, поставени во имагинарни и симболични простори во неговата душа, на неговата духовна иконографија. Чувството е големо штом делата на вредната рака, смелоста и мечтата ги опфатиш со поглед.“

no comments

Read more...

„Урбани документи: пејзаж – слика – предел“ во Мала станица

Urbani dokumenti pokana

Годинава, повеќе од триесет европски земји ќе се приклучат на одбележувањето на „Европските денови на културното наследство“ во знакот на заедничката тема „Природата и културното наследство“.

Во рамките на оваа општа тема планирано е активностите во Република Македонија да се фокусираат на темата „Водата – дар од природата“.Настаните по повод манифестацијата ќе се одвиваат во периодот од 15 до 22 септември.

Националната галерија на Македонија ќе реализира настан во рамките на оваа европска иницијатива и ќе земе учество на манифестацијата со тематска изложба „Урбани документи: пејсаж-град-предел“, во просторот на Мала станица, отворање на 20-ти септември (среда), од 12часот. На отворањето ќе се обрати директорот на НГМ, д-р Дита Старова Ќерими.

Селектираниот избор на дела на тема урбан предел од богатата колекција на Националната галерија на Македонија е сочинет од слики на познати и афирмирани  автори, меѓу кои Михајло Шојлев, Димитар Аврамовски Пандилов, Лазар Личеноски, Борко Лазески, Предраг Милосављевиќ Пеџа, Милан Коњовиќ, Мича Поповиќ и други. Голем дел од истите ќе бидат презентирани за прв пат пред јавноста на оваа изложба. Сите тие имаат посебен карактеристичен урбан лик, интересни за ликовната публика како од аспект на ликовни дела така и од аспект на историски и документарен карактер како сведоци на едно минато време. Некои дела се со веќе препознатливи мотиви, на пример некој детал од Скопје, но и дела инспирирани од Тетово, Кратово, Париз, Венеција, Загреб, Белград, Задар итн

​​Изложбата вклучува и едукативни елементи преку едукативни работилници кои би овозможиле не само запознавање со овој дел од ликовното творештво, туку воедно би стимулирале и интерес кај ликовната публика, посебно кај помладата.   ​

Проектот е планиран според приоритетите кои стимулираат организација и презентација на истражувачки проекти и изложби кои прават пресек на одредени појави и тенденции и имаат историски, проблемски, тематски, стилски или тековни толкувања на модерната и на современата светска и македонска ликовна уметност, архитектура и дизајн. Ќе бидат презентирани околу  60тина ликовни дела, од македонската и меѓународната збирка.

 Одбележувањето на “Европските денови на културното наследство“ започна во септември 1991 година, на иницијатива на Советот на Европа и поддршка на Европската унија. На почетокот, активности поврзани со оваа манифестација биле реализирани само во неколку земји, но веќе една деценија на истата земаат учество сите европски држави. Република Македонија се приклучи кон ова одбележување во 1996 година. Целта на манифестацијата е подигнување на свеста кај пошироката јавност за заедничкото европско наследство.
Како продолжение на оставрување на поставените цели, Националната галерија на Македонија, институција од национален интерес која долги години во континуитет го подржува образовниот процес, упатува покана до сите училишта  и ученици и за истите најавува дека во текот на манифестацијата од 20-ти до 22-ри септември ќе овозможи бесплатен влез.

И уште едно потсетување за веќе поставените изложби во објектот Чифте амам кои може да се посетат во рамките на “Европските денови на културното наследство“. Тоа се: „Од традицијата“, изложба на Решат Амети и изложба на уметнички фотографии на Мимоза Велиу.

no comments

Read more...

Уметничка фотографија на Мимоза Велиу во Чифте амам

20196795_1637067896325560_1333873366_n (1)

Вo Националната галерија на Македонија, објект Чифте амам, на 5 септември 2017 година (вторник),  во 20 часот ќе се отвори изложба на Мимоза Велиу со насловУметничка фотографија.

Мимоза (1979) е фотограф и куратор родена во Македонија. Живее и работи во Берлин. Преку студиото и нејзината галерија JAMMIN таа поврзува заеднички концепт на комерцијални и уметнички фотографии. Покрај Берлин, Мимоза има изложувано и во Виена, Њујорк, Минхен, Тирана, Приштина итн. Во 2008 година е добитник на првата награда за уметничка фотографија од Националната галерија на Косово.

21244650_1680792805286402_1164724996_nМимоза со својот апарат прави уникатни фотографии, кои по својот стил бараат време убаво да се погледнат. Таа ја зачувала посебноста на нејзината уметност во создавањето на тој вид на експресионизам, кој со или без интенција те носи кон името на авторката.“ – Елса Демо

„Спорот на личниот идентитет можно е да се спореди со тој на Икар, или пак на Исус, но Мимоза го доловува на најнеопределениот момент, најдуалниот, најхипотетичен, најотворен, тргнувајќи од родната сензибилизација на жената, која во многумина од овие фотографии јаoтелотворува тензијата нараспнувањето на една димензија која засекогаш останува мистична“ – Шклзен Малиќи

20067682_1631791930186490_1973232397_n (1)

„Таа ѝ пркоси на технологијата. Постојат многу уметници, чии фотографии им ги прави апаратот, но фотографиите на Мимоза се од душата.“ – Шпенд Бенгу

Кураторот на изложбата Горанчо Ѓоргиевски информира дека истата ќе може да се погледне до 29 септември 2017 година.

no comments

Read more...

Хелидон Ѓерѓи во Чифте амам

Во вторник (1 август) во Чифте амам во 18 часот, ќе биде отворена изложбата на албанскиот уметник Хелидон Ѓерѓи.

helidon gjergi

Хелидон Ѓерѓи (роден 1970 во Тирана, Албанија) е современ уметник кој работи во различни медиуми. Студирал на Академијата за уметности во Тирана. Со отворањето на границите на Албанија во 1991 година, се преселил во Италија, каде што понатаму ги проучувал визуелните уметности и се стекнал со диплома од Академијата за ликовни уметности во Неапол, Италија. Во 1997 година, тој се преселил во Чикаго, каде што се усовршил во теорија и практика на уметноста на Универзитетот во Чикаго. Во моментов живее во Њујорк и предава на SUNY Old Westbury.

helidon gjergi portret

Во текот на својата кариера Хелидон работел во различни медиуми, од сликање, до инсталација и до архитектура. Меѓутоа, преку различните медиуми, Хелидон во своите дела постојано ја испитува порозноста и кревкоста на границите меѓу медиумите, себе си и параметрите на индивидуалното влијание.

Неговите прво изложени дела го тематизираат нарцисоизмот на нашиот ангажман со медиумите, фантасмагорички поставувајќи ги телевизорите и нивните гледачи во рамките на огледалните средини, и провокативно го изнесува нивниот потенцијален и искупувачки квалитет, повикувајќи го гледачот да направи пулсирачки акциони слики преку разиграната теле-команда на програмирање како треперлив превез на платно.

no comments

Read more...

“Theoria” изложба на Зоран Попоски во Мала станица

На 15 јуни 2017 година (четврток), во Националната галерија на Македонија, мултимедијален центар Мала станица, во 20 часот, ќе биде отворена самостојната изложба на Зоран Попоски под наслов “Theoria”.

012 Poposki Hannah Arendt 2

Интердисциплинарниот македонски уметник Зоран Попоски својот најнов проект насловен “Theoria” го базира врз принципите на повеќеслојното истражување во доменот на културните и општествените теории и практики, поставувајќи се себе си како аналитичар и критичар на мноштво теми кои се однесуваат на идентитети, територија, јавен простор итн.

Тековната серија постконцептуални цртежи под наслов „Теорија“ на која е фокусиран и која ја развива од 2015 година навака, досега содржи 65 дела (од кои на оваа негова 14 по ред самостојна изложба, поставена во Националната галерија на Македонија е претставен избор од 22), и според авторот претставува серија на портрети на „монументални фигури од светот на филозофијата, книжевноста и уметноста, и негови лични светилници, од Фридрих Ниче и Вирџинија Вулф до Валтер Бенјамин и Џудит Батлер“.

Делото од оваа серија, “Меланхолија (Ниче)” ја доби наградата за цртеж на Артслант, водечка светска мрежа за современа уметност. Три други дела од овие серии цртежи, портрети на филозофите Теодор Адорно и Жил Делез и на уметникот Јозеф Бојс, во неколку прилики беа објавени во британскиот весник “Гардијан”, во избор на Флавија Фригери (кураторка за современа меѓународна уметност во Тејт Музејот во Лондон), како и на Емили Сарџент (кураторка на Велком Колекцијата во Лондон) и на Шоаир Мавлиан (кураторка за современа фотографија во Тејт Модерн во Лондон).

Изложбата ќе трае до 15 јули 2017 година.

_________________________________

Д-р Зоран Попоски е меѓународно наградуван трансдисциплинарен уметник, едукатор и истражувач. Роден во Скопје во 1974 година, Попоски живее и работи во Хонг Конг.

Попоски истражува теми поврзани со културното преведување, лиминалонста, идентитетот и јавниот простор преку медиумите на цртежот, сликарството, графиката, фотографијата, перформансот, видео артот и издаваштвото.

Неговите дела се прикажани на 70 меѓународни изложби и фестивали, меѓу кои: АртБазел Хонг Конг, 30 Биенале на графика Љубљана, Азија Контемпорари Арт Шоу, Тисен Борнамисза 21 Арт Контемпорари Виена, Институт за современи уметности Лондон, Музеу Вила Веља Португалија, Данска Национална школа за изведбени уметности во Копенхаген, Национален музеј на Црна Гора, Сергеј Курјокин Музеј за модерна уметност во Санкт Петерсбург, Местни Музеј Љубљана, Музео де Арте де Понсе Сан Хуан во Порторико, Национална галерија на Македонија, Музеј на современа уметност Скопје, Музеј на град Скопје – Отворено графичко студио, Фестивал Артстејс во Словенија, Универзитет Шарџа во Обединетите Арапски Емирати, итн. Негови јавни уметнички проекти се прикажани на урбани ЛЕД екрани, билборди и постери во Њујорк, Хонг Конг, Даблин, Скопје, итн.

Изложувал заедно со врвните светски имиња од современата уметничка продукција, како Герхард Рихтер, Нам Џун Пајк, Алора и Калзадија, Шу Бинг, Риркрит Тираванија, итн. Неговите дела се избирани за изложби од врвни светски куратори и критичари, како Доналд Каспит (професор емеритус по историја на уметност и филозофија, Државен Универзитет на Њујорк), Елизабет Сасман (куратор, Витни Музеј, Њујорк), Дебора Кален (директор и главен куратор, Галерија на Универзитетот Колумбија, Њујорк), итн.

Магистрирал уметност во нови медиуми (TИ/ДУК, Њујорк и Линц, Австрија) и докторирал студии на културата (ЕУБА, Скопје). Остварил студиски престои на Школата за визуелни уметности во Њујорк, Вулу Берлин, Пацифик Нортвест Колеџ оф Арт во Портланд (САД), Вермонт Студио Центар (САД), итн.

Добитник е на низа меѓународни награди и признанија за уметност, меѓу кои: Награда ЦЕЦ Артслинк (Њујорк), ИД+консони Сондика (Шпанија), ВСЦ Уметнички грант (САД), Артслант награда избор на жирито, итн.

Неговите дела се наоѓаат во повеќе меѓународни колекции, меѓу кои Видеотаж Медиа Арт Колекшн во Хонг Конг, Фондација Лучијано Бенетон во Италија, архивирани во АУП архивата (проект на е-флукс во соработка во Серпентајн Галери во Лондон), и застапени во Сачи Арт Колекшн.

Вебсајт: www.zoranpoposki.com

no comments

Read more...

Одбележување на Светскиот и Европскиот ден на музеите

Националната галерија на Македонија со особена чест и задоволство се приклучува кон одбележувањето на манифестацијата „18 Мај – Меѓународниот ден на музеите“.

18maj pomala rez (1)

Темата која ја пропишува Меѓународниот совет на музеите (ICOM) со седиште во Париз, Франција и која важи за сите земји за 2017 година носи наслов „Музеите и спорните истории – кажувајќи го неискажливото во музеите“ (Museums and contested histories: Saying the unspeakable in museums). Оваа тема се фокусира на улогата на музеите кои, работејќи за доброто на општеството, стануваат центри за помирување на народите. Исто така, таа наглсува како прифаќањето на спорните истории е првиот чекор кон замислување на зедничка иднина во знак на помирување. Избирајќи да се каже н искаживото во музеите, темата на Меѓународниот ден на музеите за 2017 се осврнува на тоа како да се разберат неразбирливите аспекти од спорните истории својствени за човештвото. Таа исто така ги поттикнува музеите да играат активна улога во мирното разрешување на трауматските истории преку посредување изразување на различни гледишта и се фокусира на врската помеѓу замислување на иднина која ги надминува табу-темите и води кон подобро меѓусебно разбирање.

Националната галерија на Македонија го дава својот придонес кон ова одбележување преку повеќе активности кои ќе се одвиваат токму на 18 мај (четврток), во сите изложбени објекти на галеријата:

1. „Лавиринт на уметноста“ - едукативна музејска наградна игра

Извлекување на награди од музејската наградна игра, Даут-пашин амам, 12 часот.

Извлекувањето од оваа наградна игра, која за прв пат има истражувачки карактер изведена низ Постојаната поставка на Националната галерија на Македонија, ќе биде проследено со музички програм

2. Отворање на изложбата „Иван Мештровиќ, литографии од Колекцијата на Националната галерија на Македонија“, Чифте амам, 19 часот

Изложбата ќе и понуди на македонската публика ретка можност да проследи оригинални литографии (21) од светскиот скулптор Иван Мештровиќ (1883 – 1962), овојпат претставен како цртач и графичар. Делата се составен дел од мапата литографии од 1923 и се сопственост на Националната галаерија на Македонија (од т.н. екс-југословенска збирка). Мапата ќе биде проследена и со презентација на 2 скулптури од уметникот, исто така сопственост на Националната галерија.

Изложбата „Иван Мештровиќ, литографии од Колекцијата на Националната галерија на Македонија“ е вклучена во и рамките на манифестацијата „Европсканоќ на музеите 2017“ која ќе се одржи на 20 мај 2017 година.

3. Отворање на изложбата „Искушенијата на НИНАВАЛЕ“, Чифте амам, 20 часот

Нина Ковачева и Валентин Стефанов се значајни ликовни уметници, кои по потекло се од Република Бугарија, но денес живеат и активно работат во Република Франција и претставуваат ретко успешен пар во современата уметност на меѓународната сцена. Најновиот проект „ИСКУШЕНИЈАТА НА НИНАВАЛЕ“ на Нина Ковачева и Валентин Стефанов открива плодна симбиоза меѓу две креативни мисли, кои ја задржуваат сопствената индивидуалност креирајќи истовремено една нова индивидуалност – НИНАВАЛЕ и е создадена специјално за карактеристичниот простор на објектот Чифте амам. Уметниците во овој проект користат широк спектар на технички изразни можности како видео, неон, звук, објекти и слично.           Секогаш економични во користењето слики, со мошне внимателно одбрана звучна подлога, понекогаш користејќи и дезориентирачки јазик кој ги разголува конвенциите на секојдневниот живот и се базира на нашите мисловни механизми, тие балансираат помеѓу релацијата на личната сфера со социјалната димензија и прават микс помеѓу реалноста и имагинацијата. Со тоа уметниците концепираат уметничко дело кое постепено ги води посетителите низ поставката со цел да им наметне некои фунадментални прашања поврзани со егизстенцијата и современиот свет.

4. Изложба на апсолвенти од Факултетот за ликовни уметности при Државниот универзитет во Тетово, од класата на проф. Решат Амети, Даут-пашин амам, цел ден.

Освен наведените изложби и активности, во рамките на манифестациите „18 Мај – Меѓународен ден на музеите“ Националната галерија на Македонија зема активно учество во одбележувањето на „Европска ноќ на музеите 2017“ која ќе се одржи на 20 мај 2017 година. Сите објекти ќе бидат отворени за посета нудејки можност да се погледнат изложбите кои се веќе поставени: Гоце Наневски, „Анатомија на векот“ и „Никола Мартиноски, почетоци 1912-1929“ во Мултимедијалниот центар Мала станица, како и Постојаната поставка во објектот Даут-пашин амам. 

На 18 и 20 мај 2017 година сите три објекти на Националната галерија на Македонија – Даут-пашин амам, Чифте амам и Мултимедијалниот центар Мала станица ќе бидат отворени за посета од 10-22 часот, а влезот е бесплатен.

 

no comments

Read more...

„Месец на Никола Мартиноски“ во Националната галерија

По повод  „Месецот на Никола Мартиноски“, Националната галерија на Македонија Ве информира дека ќе се реализираат три исклучителни настани во име на културното наследство што го остави современикот на македонското сликарство и ликовната уметност.

покана Мартин за принтПрв настан, промоција на монографија

На 5 мај 2017 год. (петок), во 11 ч во Националната галерија на Македонија, објект Мала станица ќе се реализира промоција на монографијата „Никола Мартиноски до 1945“.  Издавач на монографското издание е Националната галерија на Македонија а автор на монографијата е Проф. д-р Кирил Пенушлиски. За монографијата на промоцијата ќе говорат д-р Дита Старова Ќерими, директор на Националната галерија на Македонија, академскиот сликар Рубенс Корубин и академик Влада Урошевиќ.

Втор настан, отворање на изложба

Како продолжение на истражувачкиот труд , покрај промоција на монографијата ќе се реализира и изложба на слики и фоторепродукции на делата од Мартиноски кои датираат од самиот почеток на  неговата ликовна кариера. Изложбата носи наслов „Никола Мартиноски, почетоци 1919-1929“, ќе биде поставена и отворена во Мала станица на 11 мај 2017 год. (четврток), во 20 ч.

Трет настан, предавање на д-р Кирил Пенушлиски

На 16 мај 2017 год. (вторник) во Мала станица, 11 часот , Проф. д-р Кирил Пенушлиски ќе одржи предавање на тема „Од Мартин во Мартиноски“.

*******************************************************************************************************

Еве неколку наслови кои ја наговестуваат содржината на монографското издание и изложбата

Мартиноски 1919-1929, првите сликарски обиди

„Никола Мартиноски – почетоци, 1919-1929 година“ обединува триесеттина слики кои го прикажуваат развојниот пат на Мартиноски во најраниот период од неговата кариера, и за прв пат македонската јавност има прилика да види кохерентен приказ на еден период од неговото творештвото.

Изложбата започнува со првите сликарски обиди на Мартиноски, вклучувајќи ја тука и сликата „Пејзаж“ – од приватна колекција во Скопје – која е веројатно најстарото зачувано дело на Мартиноски. Сликата може да се датира во 1919 година, во време кога Мартиноски сеуште бил дел од работилницата на последниот македонски зограф – Димитрие Папрадишки.

„Пејзаж“,

Мартиноски, студиски престој, Школа на убави уметности, Букурешт 1920-1924

Од седумгодишниот студиски престој на Мартиноски во Букурешт, како студент на тогашната Школа за убави уметност, овдека се претставени повеќе слики. Од времето кога тој го слушал основниот курс на Школата (во периодот од 1920 до 1924 година) треба да се издвојат „Мртва природа со череп“ и „Девојка крај клавир“. Додека пак малечката „Во поле“ го симболизира новиот правец на уметноста на Мартиноски кој започнува во моментот кога тој го запишал специјалниот курс по сликање на Школата во Букурешт, во класата на Камил Ресу, во 1925 година.

„Мртва природа со череп“

 „Девојка крај клавир“

Промена на ликовниот израз, Париз, 1928-1929

Краткиот престој на Мартиноски во Париз (од крајот на 1928 до крајот на 1929 година) на изложбата е “илустриран“ со дела како „Женски портрет“ – од приватна колекција во Скопје – и крушевската „Глава на жена“. Дела кои јасно ја прикажуваат промената на ликовниот израз на младиот уметник, која настанува по неговото соочување со модерната уметност во Париз.

,„Глава на жена“

Враќање во Македонија, прва самостојна изложба 1929 година

Сликите од Музејот во Смедерево „Девојка со грне и младич“ и „Охридски рибари“, како и делата „Романски селанки во пејзаж 1 и 2“ (двете од приватни колекции во Србија),  „Циганка што пие кафе“ (во сопственост на Националната галерија на Македонија) и „Под распетието“ (приватна колекција Скопје), се меѓу првите сликарски обиди на Мартиноски по враќањето во Македонија, а воедно тоа се и делата што тој ги излагал на својата прва самостојна изложба во Скопје во 1929 година.

„Циганка што пие кафе“ (дел од постојаната поставка на Националната галерија на Македонија во Даут пашиниот амам)

Фоторепродукции на дела кои никогаш не биле претставени на македонската јавност

Дополнително,„Никола Мартиноски – почетоци, 1919-1929 година“ е збогатена со неколку фото-репродукции на дела кои се оштетени или не беа во можност да патуваат до Скопје.

Фоторепродукција – „Мртва природа – Бордо“

no comments

Read more...

Видеотрилогијата „Анатомија на векот“ на Гоце Наневски во Мала станица

Анатомија на векот, видеотрилогија на Гоце Наневски ќе биде прикажана на 4-ти мај (четврток) во Мала станица, 20 часот 

pokana_anatomija_na_vekot_nanevski

Најновиот проект – три индивидуални видеа имаат концепциско-документаторски карактер. Наневски во оваа трилогија е социјално-политички ангажиран. Неговиот јазик не е буквален и директен, не е априорна реакција и критика на актуелното секојдневие, туку преку малите суштествени наративи со многу генерална конотација укажува на мошне клучни деформации на општествената свест, кои ги дефинираат ликот и опачината на претставникот на едно трансформирачко општество без видлив расплет.


Во Раѓање, го обработува повеќеслојно аспектот на раѓањето виден низ разновидни призми, од најбазичната биолошко-физичка – предадена во разговор со доктор гинеколог и ембриолог (и бремената со прво дете); преку духовното раѓање и соживотот со Бога – во облик на есхатолошко-философски аспекти на еден православен свештеник – а всушност доктор по философија; онтологии за философското и општествено-социјално „раѓање“ и созревање – во ставовите на д-р по философија, професор и аналитичар на социополитичките состојби; па сѐ до женски наративи за физиологијата на жената-мајка – успешни професионалки во своите области, чии животи се менуваат со чинот на раѓање ново битие што ги облагородува и ги прави подобри личности (без оглед дали станува збор за едно или за повеќе деца).



Судбина, пак, третира претставници на најранливата категорија граѓани во Македонија кои се комплетно маргинализирани – Ромите, а од друга страна и малцинство со кое се поврзува зборот судбина и во позитивна и во негативна конотација. Интегрирањето и еманципацијата на Ромите кај нас зема посебен замав во последното десетлетие, особено во полето на едукацијата и инкорпорацијата во општествените сфери, но, за жал, сѐ уште само Ромите ги среќаваме да просат на улиците (без оглед на возраста). Во видеото Наневски го проблематизира овој микросвет, со цел индиректно да критикува во два правци – и општеството што не се грижи доволно, но и решението на оваа заедница да се задоволи со стереотипите и да не се освести дека решението за судбината е во сечии индивидуални раце. Визуелно, ова видео е ослободено од колорит, т.е. е црно-бело, а во него е вклучена авторска музика, шумење од замрзнати видеофрејмови со ефект на снег, како и звуци и кадри кои се добиени со иреверзибилно течење на одредена видеосеквенција.


Во третото видео, Ние, вампирите, Наневски се занимава со сказните и преданијата на старите народи и македонските племиња што се пренесувале од колено на колено и во кои се верувало дека постојат вампири за да прејде дијалогот постепено во анализа на актуелното општество и во персонифицирање на актуелните проблеми во политичкиот, економскиот, социјалниот и културниот свет како дело на вампири. Давајќи му една духовита димензија на целиот видеопреглед, всушност со многу критика и автокритичност, авторот  констатира дека сите ние сме вампири на денешното време и дека сите актуелни општествени малформации се случуваат благодарение на нас и се иницирани директно или индиректно од сите социјални фактори на една заедница. Еден интересен коментар на соговорникот Коста вели : „…вампирите четири вреќи ќе ти земат, ама една ќе ти остават, значи имале некаква етика…“, за разлика од „современите вампири“ кои немаат етика, а уште помалку морал и скрупули.

Видеата имаат и забавен елемент бидејќи играат на тенка линија помеѓу пренагласена сериозност-ангажираност и духовитост, продлабочени размисли наспроти модули кои имаат многу плитка животна философија итн. Наневски визуелно ја обликува личната перцепција за анатомијата на животот, т.е. за конструктивните аспекти на животот (како во скулптура) приоѓајќи им како на скелетон кој бара статичност и издржаност.

Изложбата ќе може да се погледа до 24-ти мај 2017 год.

no comments

Read more...

Изложба „Будење“ во Чифте амам

На 11 април (вторник), со почеток во 18:00 часот ќе биде отворањето на изложбата „Будење“ во Чифте амам – Национална галерија на Македонија.

budenje

За разлика од останатите, внатрешниот свет на децата со аутизам е неограничен, магичен. Толку искрен, чист, со енергија на која тешко може да се остане рамнодушен.

Аутистичните ни ја откриваат нивната стварност која за очите на останатите е често невидлива. Со нивните цртежи, тие на оригинален начин ни пренесуваат една порака: разбудете се, тука сме за да постоиме заедно! Затоа нам ни е потребно будење повеќе од кога било.

На умот, на душата, на внатрешниот глас, на вистинските вредности. Да подадеме рака и да станеме похумани, да се бориме против догмите и стереотипите од секој вид.Оттука, Националната галерија на Македонија, во соработка со здружението „ВО МОЈОТ СВЕТ“, ПОУ „Иднина“, Македонското научно здружение за аутизам и Ресурсниот центар на родители на деца со посебни потреби, со изложбата насловена „Будење“ го одбележува Светскиот ден на аутизмот.

Во една инспиративна креативна атмосфера на Чифте амамот беа организирани ликовни работилници на кои децата изработија преубави ликовни дела. Облачиња, сонца, срца или рачиња, сите до едно пленат со енергија и уметничка слобода што ни укажува за нивниот огромен творечки талент. Овие творби се одраз на нивната душа. Тие нè учат за љубовта, а за тоа не се потребни зборови. Овие деца се нашите херои!

Тенденцијата на пораст на аутизмот е факт и токму затоа е потребно подигање на јавната свест. Различни, а сепак толку исти, во несовршеноста е убавината. Сите заслужуваат да бидат прифатени и подеднакво третирани, само чистата љубов разбира сè!

Изложбата ќе трае до 20 април.

no comments

Read more...