Распоред на активности од програмата на НГМ за април 2016 година

Borce Nikoloski Mala stanica 22

Распоред на активности од програмата на Националната галерија на Македoнија за април 2016 година

Мала Станица

15-20.04 Земна и небесна екстаза – љубовна поезија и уметност, организатор Маленко Љупчо 

На 15.04 Светскиот ден на уметноста ке биде отворење изложба на дела од 14 ликовни уметници инспирирани од светската лубовна поезија.Отворање 20:30 часот.
Изложбата ќе ја отвори Ефтим Клетников, вон програмска содржина.

 23.04-01.05 „Галерија на портрети“, куратор Ана Франговска 

Изложбата е практично збир на нематеријални дела, недофатни на перцепцијата на човекот со денешните биолошки перцептивни можности. Во повеќе од просториите на Мала станица, просторот се неутрализира од аспект на мирис (се варосува, а подот се брише со средство за неутрализирање), а потоа во секоја од просториите се поставува “мирисен квадрат”. Сопствениците на кучиња, по претходно закажен термин и добиени инструкции, ја посетуваат изложбата. Делото е невидливо за сопствениците, но не и за нивните миленици, чија реакција се документира (фотографии и видео). Во предвид доаѓаат само социјализирани миленици, навикнати на живот во затворен простор.

26.04-03.05 Изложба на фотографии, куратор Маленко Љупчо

Фотографии за развојот на Општината Кши Ченг од Пекинг, организатор Општина Центар, вон програмска содржина.

vana uroshevic postavka cifte (7) (Copy)

Чифте амам

06.04 Денот на лицата со аутизам, едукатор Маја Димитрова 
Креативни ликовни работилници и изложба по повод одбележување на лицата со аутизам. 6-ти април 2016 година. Во работилниците ке учествуваат 50 дечиња на возраст од 5-15 години во придружба на родители и дефектолози ангажирани од организации на невладиниот сектор.

16-25.04 Награда за млад ликовен уметник, организатор Центар за современи уметности

26.04 Годишна изложба на основни училишта, едукатор Маја Димитрова 
Годишна изложба на основни училишта од градот Скопје. Традиционална изложба каде учество земаат повеке од 800 ученици на возраст од 10-14 години. Отварање 13:30 часот

daut pasin amam

Даут-пашин амам

01.04 Коцерт Арјана Куриу-Груби

18:00 Проф.Арјана Куриу-Груби концерт-пиано

06.04 ,,Роман на годината” настан на “Утрински весник”
19-22:00 Свечено доделување на наградата “Роман на годината” за 2015 година”, “Телото во кое треба да се живее” на авторот Петар Андоновски.

22.04 „Денот на планетат земја“, едукатор Ацо Таневски

Ликовен хепенинг во дворот на Даут пашин амам.

28.04 Коцерт Сихана Јакупи
19:00 часот, ќе се одржи концерт на Сихана Јакупи – хорна и Арџира Чолаку – флејта. Ќе бидат изведени дела од повеќе композитори, меѓу кои и Haydn, Veber, Ravell и други.
Влезот е бесплатен.

———–

07.04 Самостојна Изложба на Решат Амети – во МАНУ, куратор Маја Крстевска

Изложбата ке биде поставена во месец Октомври, во изложбениот салон на Македонската Академија на Науките и Уметностите, каде ќе бидат поставени околу 30-тина дела, настанати во период од 2000-та година, до денес.

Предизвик и приоритет му се геометријата, пред се, видена во правилните форми на квадратот, триаголникот, кругот, или форми кои едноставно се врзуваат со човекот.На платната што ги работи се појавуваат конструкции од хоризонтални и вертикални линии, поставени под прав агол, кои уште повеќе ја интензивираат геометријата како принцип на неговите дела.

Во овој последен творечки циклус , повторно создава дела со различен стилско-содржински израз и таквите дела оставаат во исто време слоевитост на прикажаното, со светлина која ја оживува целата претстава.

Насловот на оваа изложба е “Лирска геометрија” и всушност е пресек на целото досегашно негово творење.

Меѓународна изложба

07-20.04 (По)трагите на водата – Акварел од колекцијата на Националната галерија на Македонија во КИЦ Софија, куратор Елена Георгиевска

kic sofija akvarel

Во Културно- информативен центар на Република Македонија во Софија, Република Бугарија се отвори изложбата со наслов (По)трагите на водата – Акварел од колекцијата на Националната галерија на Македонија. Акварелот како составен дел од Збирката на Националната галерија на Македонија, завзема значајно место, такашто со оваа изложба се презентира избор на дел од уметничките дела остварени во оваа ликовна техника.

Овој проект беше замислен како изложба со патувачки карактер истата беше поставена во повеќе градови низ Македонија (Велес, Крива Паланка, Штип, Битола, Кавадарци, Куманово). Истата, беше реализирана во соработка со Дирекцијата за култура и уметност- Скопје, и е во рамките на проектот „Кич, да!?/сте или не/“ поддржан од Министерството за култура.

akvarel kolekcija na ngmЉубителите на уметноста добија можност да видат селектирани дела од најстарата генерација автори од македонската современа ликовна уметност, како и од соседството.

Меѓу авторите на акварелите застапени во колекцијата на Галеријата се претставници од најстарата генерација современи академски сликари од Македонија – Михајло Шојлев, Димитар Аврамовски Пандилов, Киро Караџа, Лазар Личеноски, Вангел Коџоман, Љубомир Белогаски, Василие Поповиќ – Цицо, како и одредени познати имиња (врвни мајстори) од соседните држави (кои покрај сликарството работеле и акварели) – Томислав Кризман, Јован Бјелиќ, Коста Хакман, Петар Лубарда, Предраг Милосављевиќ – Пеѓа, Никола Славин.

Регистарот на акварелното сликарство, продолжува со создадени дела од авторите – Лена Стефанова, Ејуп Умер, Богољуб Ивковиќ, кои во својот творечки опус периодично или експериментално работеле акварел, или пак, негова имплементација во делото (цртеж во комбинирана техника со акварел, гваш) – Симон Шемов, Владимир Георгиевски, Станко Ѓорѓиев, додека некои од уметниците се најпрепознатливи во своето творештво во акварелната техника – Никола Бутров, Илија Кавкалески- Кавкале, Теофил Шулајковски-Тофе, Јакуп Хајро.

Истата ке биде поставена до 20.04.2016 година.

no comments

Read more...

Во Чифте амам изложба под наслов “Наречи ме љубов”

По повод април, месец на лица со аутизам, со особена чест Ве информираме дека во среда 6.04.2016 год во 15 часот, во Националната галерија на Македонија во објектот Чифте амам ќе биде отворена изложбата под наслов “Наречи ме љубов”.

nareci me ljubov za deca so autizam
Изложбата беше реализирана во соработка со здружението ,,Во МОЈОТ СВЕТ,, ПОУ Д-р Златан Сремец- Скопје, Центарот за аутизам и Асоцијацијата ,,Ластовица,, во кои учество земаа повеќе од 50 тина дечиња со аутизам. Во таа насока беа реализирани неколку ликовни работилници,а малите уметници насликаа преубави уметнички творби. Изложбата ќе биде отворена 10 дена за посетителите.

Имајќи го во предвид значењето на оваа зложба,наша цел и идеа е подигнување на јавната свест и зголемување на одговорноста кон овие лица ,како и нивна инклузија во сите сегменти на нашето живеење.

no comments

Read more...

„(По)трагите на водата“ – Акварелот од колекцијата на НГМ во Софија

akvarel kolekcija na ngm

Во Културно- информативниот центар на Република Македонија во Софија, Република Бугарија, на 7 април 2016 година (четврток) во 18:30 часот, ќе се отвори изложбата со наслов (По)трагите на водата – Акварелот од колекцијата на Националната галерија на Македонија.

Акварелот како составен дел од Збирката на Националната галерија на Македонија, завзема значајно место, такашто со оваа изложба се презентира избор на дел од уметничките дела остварени во оваа ликовна техника.

Овој проект беше замислен како изложба со патувачки карактер истата беше поставена во повеќе градови низ Македонија (Велес, Крива Паланка, Штип, Битола, Кавадарци, Куманово). Истата, беше реализирана во соработка со Дирекцијата за култура и уметност- Скопје, и е во рамките на проектот „Кич, да!?/сте или не/“ поддржан од Министерството за култура.
Љубителите на уметноста добија можност да видат селектирани дела од најстарата генерација автори од македонската современа ликовна уметност, како и од соседството.

kic sofija akvarel

Меѓу авторите на акварелите застапени во колекцијата на Галеријата се претставници од најстарата генерација современи академски сликари од Македонија – Михајло Шојлев, Димитар Аврамовски Пандилов, Киро Караџа, Лазар Личеноски, Вангел Коџоман, Љубомир Белогаски, Василие Поповиќ – Цицо, како и одредени познати имиња (врвни мајстори) од соседните држави (кои покрај сликарството работеле и акварели) – Томислав Кризман, Јован Бјелиќ, Коста Хакман, Петар Лубарда, Предраг Милосављевиќ – Пеѓа, Никола Славин.

Регистарот на акварелното сликарство, продолжува со создадени дела од авторите – Лена Стефанова, Ејуп Умер, Богољуб Ивковиќ, кои во својот творечки опус периодично или експериментално работеле акварел, или пак, негова имплементација во делото (цртеж во комбинирана техника со акварел, гваш) – Симон Шемов, Владимир Георгиевски, Станко Ѓорѓиев, додека некои од уметниците се најпрепознатливи во своето творештво во акварелната техника – Никола Бутров, Илија Кавкалески- Кавкале, Теофил Шулајковски-Тофе, Јакуп Хајро.

Куратор на изложбата е Елена Георгиевска, кустос во Националната галерија на Македонија.

no comments

Read more...

Изложба на уметнички дела и скулптури од галериски формат

Изложба на уметнички дела и скулптури од областа на визуелните уметности откупени на Конкурсот на Министерството за култура…

izlozba mala stanica otkup

Во Националната галерија на Македонија, објект Мала станица во вторник, 29.03.2016 во 12 часот ке биде отворена изложба на уметнички дела и скулптури од галериски формат од областа на визуелните уметности, откупени на Конкурсот на Министерството за култура во 2015 година.

Изложбата ке трае од 29.03. – 06.04.2016

________________________

Поставка…

no comments

Read more...

Изложба „Природа на универзумот“ на канадската авторка Жо Ан Ланвил

Jo Ann Lanneville 3

Во среда, 30. 03. 2016 година во 20 часот, во Националната галерија на Македонија, објект Чифте амам ќе биде отворена изложбата под наслов „Природа на универзумот“ на канадската авторка Жо Ан Ланвил.

Изложбата е организирана по предлог и во соработка со Канадската Амбасада од Белград, Република Србија. Изложбата ќе биде поставена 10 дена.

На изложбата ќе биде презентиран дел од творечкиот опус на канадската уметница Жо Ан Ланвил, која е мошне активен графичар. Таа е коосновач на Ателјето Прес Папие и Интернационалното Биенале за современа графика Троа – Ривириере. Имала повеќе од триесет самостојни изложби во Канада и во повеќе од десетина земји низ светот.

Jo Ann Lanneville 2

Исто така, добитник е на неколку награди во странство, а особено важна е Големата награда на Меѓународното биенале во Барат во Бопал, Индија, потоа наградата за најдобро графичко дело во Париз, и Почесната награда на Рексам – Меѓународното графичко биенале во Обединетото Кралство.

Изложбата „Природата на универзумот” е изложба на дела во која уметникот се обраќа на прашања за нарушувањето на еколошката рамнотежа, и им нуди на гледачите место за да се скријат и да не бидат сведоци на уништувањето на животната средина. Посетителите ќе имаат единствена можност да се запознаат со работата на оваа атипична уметничка преку три различни медиуми – графики, цртежи и објекти.

Jo Ann Lanneville 1

Соработката со Канадската амбасада преку овој проект продолжува и во иднина, а Националната галерија на Македонија и Министерството за култура, на овој начин ќе се вклучат активно во чествувањето на деновите на франкофонијата.

no comments

Read more...

Меморандум за соработка помеѓу НГМ и Национална галерија на Косово

Вчера, на 22.02.2016 година беше реализиран работен состанок помеѓу директорката на Националната галерија на Македонија, д-р Дита Старова Ќерими и в.д. директорот на Националната галерија на Косово, г-динот Зени Балажи.

ngm sorabotka galerija kosovo

На средбата беше потпишан меморандум за соработка помеѓу овие две сродни институции од регионот. Со овој чин се официјализираше соработката која ќе се одвива на неколку различни нивоа, како: реципрочна размена на квалитетни уметнички содржини, индивидуални уметнички проекти, концепциски изложби, споделување на вредни гостувачки меѓународни изложби, ќе се врши институционална размена на полето на менаџирањето на институции од културата, ќе се одржуваат разменски семинари, предавања и секако општа размена на искуства во секој домен на работа на институциите, со цел подобро меѓусебно запознавање на актуелните уметнички сцени и отпочнување на регуларна годишна регионална соработка.

На состанокот беа разменети рецентни публикации кои ги издале овие две институции во последниот период, како почетен стадиум на соработката, со што библиотеките на обете институции го збогатија својот библиотечен фонд. Има дури и првични предлози за конкретна соработка, но имињата на изложбите и авторите ќе бидат обзнаени наскоро, по утврдување на календарите и буџетите.

no comments

Read more...

Соработка меѓу Националната галерија на Македонија и Францускиот институт

Националната галерија на Македонија во изминатите четириесетидвегодини откако постои Францускиот институт во Македонија е добар домаќин и подржувач на културната програма на институтот во рамките на деновите на франкофонијата.

NGM francuski institut

Како продолжение на долгогодишната успешна соработка директорката на Националната галерија на Македонија, Дита Старовa Ќерими оствари средба со директорката на Францускиот институт, госпоѓата Изабел Марки-Барбо и господинот Бранко Чобанов, аташе за култура.

Културата како архитект на мост единствен по својата природа меѓу две нации, а во пресрет на активностите за 2016 година, беше темата на дискусијата на која соговорниците ја потврдија и договорија континуираната соработка.

no comments

Read more...

Изложбата „(По)трагите на водата“ во Куманово

„(По)трагите на водата“ е наслов na изложбата на акварели што ќе биде отворена денес, петок, 5 февруари, во 19.30 часот во Изложбениот салон на НУ Центар за култура „Трајко Прокопиев“ во Куманово.

Pandilov vrshidba (2)Изложбата е во организација на Националната галерија на Македонија и Дирекцијата за култура и уметност во рамките на проектот „Кич,да!?/сте или не/“ поддржан од Министерството за култура.

Проектот (По)трагите на водата започна во мај 2015 година во просторот на Чифте амам во Скопје, потоа го продолжи своето патување низ градовите Велес во Ликовенот салон; Битола во Галерија Магаза при НУ Завод и Музеј Битола; Штип – Безистен, НУ Завод и Музеј Штип; потоа Крива Паланка, Уметничка галерија при Градски музеј Крива Паланка; Дом за култура Иван Мазов-Климе, Кавадарци и од 5-ти до 17 февруари ќе престојува во Куманово.

Во текот на долгогодишната дејност и постоење на Националната галерија на Македонија, галериската збирка се збогатува со нови, современи, значителен број, над 1700 дела. Акварелот како составен дел од Збирката на Националната галерија на Македонија завзема значајно место.

Изложбата насловена (По)трагите на водата презентира избор на уметнички дела остварени во еден визуелен медиум – акварелот, со истакнат број уметници, опфаќајќи еден импресивен попис на повеќе генерации од различни поднебја со посебни уметнички сензибилитети. Меѓу авторите на акварелите застапени во колекцијата на Галеријата се претставници од најстарата генерација современи академски сликари од Македонија – Михајло Шојлев, Димитар Аврамовски Пандилов, Киро Караџа, Лазар Личеноски, Вангел Коџоман, Љубомир Белогаски, Василие Поповиќ – Цицо, како и одредени познати имиња (врвни мајстори) од соседните држави (кои покрај сликарството работеле и акварели) – Томислав Кризман, Јован Бјелиќ, Коста Хакман, Петар Лубарда, Предраг Милосављевиќ – Пеѓа, Никола Славин. Регистарот на акварелното сликарство, продолжува со создадени дела од авторите – Лена Стефанова, Ејуп Умер, Богољуб Ивковиќ, кои во својот творечки опус периодично или експериментално работеле акварел, или пак, негова имплементација во делото (цртеж во комбинирана техника со акварел, гваш) – Симон Шемов, Владимир Георгиевски.

На изложбата ќе бидат презентирани над 30тина ликовни дела, дел од нив за првпат се изложуваат пред јавноста.
Куратор на изложбата е Елена Георгиевска, кустос во Националната галерија на Македонија.

Изложбата ќе може да се посети до 17 февруари 2016.

no comments

Read more...

Реализирани програмски изложби на НГМ во 2015 година

Ова се програмските изложби на Националната галерија на Македонија,

кои се одржаа во текот на 2015 година, во објектите на институцијата.

daut-pasin-amam

Изложба на Одаловиќ и Милатовиќ во Чифте амам

Ратко Одаловиќ се претставува со колористички цртежи во темнокафеав тоналитет со окер, розови, жолти и сини акценти и површини.

odalovic milatovic 24

Тоа се композиции реализирани со редукција и се исклучително декоративно богати – со орнаментален репертоар што почива на принципите на horror vacui (страв од празен простор) внатре во просторот, кој го опфаќа централниот мотив – симплегма на човековата фигура/креатури и елементи на машинската индустрија. Некогаш се сведени на изолирани карикатурални ликови со модификувани внатрешни организми или линеарни клопчиња со кои се симулира човековиот нервен систем или крвотек. На овие дела, пред сè, до израз доаѓаат авторовите високи естетски вредности, минуциозност и исклучителна цртачка вештина.

______________________________________

“Сите бои на љубовта” во Чифте амам

 

Националната галерија на Македонија преку едукативното одделение во текот на годината организира многубројни настани и изложби од најмладите уметници. Опфатени се сите ученици, сите возрасти на деца независно од физичката или менталната попреченост.

site boi na ljubovta

Националната галерија на Македонија особено става акцент токму на овие ранливи групи и постојано се залага за што поголема нивна инклузија во секојдневното живеење и уважување на различностите. На 3 декември минатата година беше одбележан Мегународниот ден на лицата со посебни потреби, а сега со изложбата под наслов ,, Сите бои на љубовта,, нашата институција го одбележува месецот на Аутизмот. Организирани беа работилници каде голем број дечиња изработија прекрасни слики.

Аутизмот не е болест туку состојба. Тој нема граници, им се случува на луѓето од различни раси и религии. Бројот на аутистични деца е се поголем. Во таа насока сите ние треба да се залагаме за подобрување на правата и заштита на лицата со аутизам и нивните семејства. Националната галерија на Македонија и во иднина подготвува вакви бројни настани.

_______________________________________

Изложба од Конкурсот за откуп на ликовни дела

Од пристигнатите 228 пријави или вкупно 605 дела, петчлената стручна комисија, направи селекција на 64 уметнички дела, од различни визуелни медиуми: слики, скулптури, објекти, инсталации и видео инсталации од повеќе еминентни автори, како од постарата, средната, како и од помладата генерација уметници со цел поттикнување и стимулирање на нивниот иден творечки развој.

otkup na dela 6

Меѓу откупените дела кои се делигирани во збирката на Музејот на современата уметност се наоѓаат авторите: Жанета Вангели, Благоја Маневски, Славица Јанешлиева, Беди Ибрахим и др. За збирката на Националната галерија откупени се делата на: Ристо Калчевски, Симон Шемов, Рубенс Корубин, Веле Ташовски, Томе Аџиевски и др.

На Конкурсот пристигнале 605 дела од различни визуелни медиуми (слики, скулптури, објекти, инсталации и видеоинсталации) од сите генерации македонски уметници, а петчлената стручна комисија избрала за откуп 64 дела …

___________________________________________

Проектот „Во прво лице“ во Мала станица

pokana 31324

Во НУ Национална галерија на Македонија, објект Мала станица на 17 април 2015 година (петок), во 20.00 часот, ќе биде презентиран проектот под наслов „Во прво лице“ на која ќе бидат претставени 22 современи македонски уметници: Методи Ангелов, Јован Балов, Атанас Ботев, Гордана Вренцоска, Горанчо Ѓорѓиевски, Велимир Жерновски, Јана Јакимовска, Славица Јанешлиева, Роберт Јанкулоски, Ѓорѓе Јовановиќ, Верица Ковачевска, Љубомир Милошески, Ангел Миов, Моника Мотеска, ОПА, Ирена Паскали, Зоран Попоски, Нада Прља, Игор Сековски, Александар Спасоски, Дијана Томиќ Радевска и Микица Трујкановиќ.

____________________________________________

(По)трагите на водата – Акварелот од колекцијата на НГМ

Jakup Hajro Motiv od Bitola

Во текот на долгогодишната дејност и постоење на Националната галерија на Македонија, галериската збирка се збогатува и со нови, современи дела, во значителен број од над 1700 дела. Акварелот како составен дел од Збирката на Националната галерија на Македонија, завзема значајно место.

Изложбата насловена (По)трагите на водата презентира избор на уметнички дела остварени во еден визуелен медиум – акварелот, со истакнат број уметници, опфаќајќи еден импресивен попис на повеќе генерации од различни поднебја со посебни уметнички сензибилитети.

____________________________________________

Изложба на Марија Сотировска Богдановска – „Условен круг“

sotirovska bogdanovska postavka 5

Изложбата Условен круг на Марија Сотировска-Богдановска формално се состои од четири одвоени целини низ кои е претставена интимна приказна што допира до привидот и до содржината на различните социјални, општествени и родови системи на вредности…. Цикличното повторување на нашето постоење, категориите време и простор, перцептивното и визуелното се повторно присутни и во најновиот проект Условен круг, со вметнување нов елемент – везот, кој со својата директна релација со народниот вез и со женскиот принцип во традицијата ја почнува и ја завршува целата родова приказна на кружна условеност. …

Кај Сотировска доминираат нетрадиционална везбена орнаментика и геометриски мотиви во повеќе бои и нијанси; авторката осовременувајќи ја оваа вештина, го видоизменува и благо го иронизира овој значаен облековен елемент во одредувањето на општествениот, економскиот и родов статус на носителот. …

____________________________________________________

 

Годишна изложба на основните училишта во Чифте амам

godisna izlozba cifte dimitrova

Во соработка со ликовните педагози од основните училишта, учениците работеа дела на конкретна тема – акварел, и на изложбата ќе бидат изложени најкреативните и најинтересните дела од младите уметници во завршна изложба со дела изработени во акварелна техника. Изложбата е со натреварувачки карактер за да се зголеми мотивацијата и интересот на учениците.

Со оваа изложба Националната галерија на Македонија се залага за стимулирање на ликовната уметност во воспитно-образовниот процес во училиштата и презентирање во јавноста на индивидуалните и групните творби на најмладата популација од основните училишта во градот Скопје.

____________________________________________

Изложба на Славчо Соколовски “Моето име е емигрант”

sokolovski

„… Првично, по преселувањето во Америка во 2000 година, Славчо Соколовски продолжува со создавањето уметнички објекти, користејќи слични видови материјал (како во неговото дотогашно творештво – н.з.), кои ги пронаоѓа низ улиците на Бостон и Кембриџ, Масачусетс. Животот во Америка се случува на улица и станува начин на кој тој за запознава неговата нова земја. Со цел да се насочи, почнуваа да асимилира некои аспекти од американските “нешта” во својата уметност и во неговиот начин на живот. Тој се соочува со една сосема поинаква палета на бои и модел на живот….

…Исто така, по преселувањето на Соколовски во САД, неговото првично визуелно доживување на облекувањето го потсетува на начинот на кој во САД не само што се соочил со јазичната бариера, туку и со појавноста. Луѓето околу него се изразуваале на многу поинаков начин отколку во неговата земја. Неговата облека била повеќе формална, а не комфорна и шарена како на американците. И тој зачекорува во неговиот нов свет со облекување како Американците. Облеката е површината на нашиот изглед и е почетна точка за начинот на кој комуницираме со оние околу нас.

______________________________________

Минијатура – VIII Младински пролетен салон во Мала станица

Изработката на едно ликовно дело е сложен творечки процес (скицирање, цртање, поставување, реализација, анализа) и без разлика дали се работи за огромна површина на зид или платна, или сосема мало уметничко парче, потребно е да се вложат исклучителни напори и креативност во процесот. Проблемот на обработка е перспективата, мотивот, композицијата, симетријата, рамнотежата, единството кои се присутни и на мал простор.

minijatura mlad proleten salon

За овој салон учениците имаа креатино изјаснување на мал формат кој што овозможува голем интерес и квантитет од страна на младите. На изложбата се застапени дела во различни медиуми (цртеж, слика, графика, скулптура, колаж, видео, фотографија, компјутерска графика и дела во комбинирана техника.

Изложбата ја организира дидактичко-едукативниот секор во Националната галерија на Македонија…

_______________________________________

Јубилејна изложба – 55 Години творештво на Борис Николоски

Кариерата на скулпторот Николоски започна во 1959 кога тој почна да ги користи методите предложени од неговиот професор Франтишек Смерду (на Словенската Академија за ликовна уметност). Заробени во наставните програми, неговите скулптури (најчесто портрети во мермер, камен, понекогаш во метал) имаа интимни и камерни атрибути.


Pokana Nikoloski

Бранот на модернизмот, или поконкретно навлегувањето на апстрактната мисла, бргу и „масивно“ влијаеше на македонската скулптура. Борис Николоски преминот кон апстрактната пластичност го направи со стилизација во моделирањето на формите. Одеците на фигуративната уметност беа постојано присутни. Тој никогаш не се обиде да ја расчисти врската помеѓу фигуративното и апстрактното, но многу бргу се врати на фигуративното и остана доследен до ден денес.

___________________________________________

“Кога традицијата е (женски) императив: разговори за минатото, денес” во Мала станица

Марјана Костојчиноска Узунчева надоврзувајќи се на претходните искуства и истражувања во обликувањето на ликовното делото и потрагата по сопствено визуелно изразување, твори дела кои се логично продолжение на размислувањата за дефинирање на уметничкиот продукт.

kostojcinoska-uzunova

Творештвото на Костојчиноска Узунчева е интимна исповед за едно минато време, сеќавање и спомени, навраќање на традицијата, еден вид визуелна патина на меморијата.

Инспирацијата од народното творештво, од културите што доаѓале од истокот и западот на оваа територија од Балканот, формирале препознатливи облици на народно творештво од кои се издвојуваат килимите кои се базичен елемент во нејзините дела. Тргнувајќи од ова таа ја транспонира содржината во својата инспирација од чисто визуелно доживување во симболично посложени духовни простори создадени со посебната сила на имагинацијата и интуицијата на автентичен уметник.

___________________________________________

Изложба на Јасмина Новковска во Мала станица

jasmina novkovska pokana

На изложбата ќе бидат изложени стотина дела и е психолошко и психијатриско истражување. Делата се поделени во неколку циклуси:

1. Филмска уметност

(,,Психо“, ,,Птици“, ,,Лудило“)

2. Портрети на многу душевно болни луѓе

3. Портрети на многу луди луѓе

4. Луѓе од вселената, луѓе-инсекти

5. Човек – луѓе – животни – праисториски животни

6. Борба на змеј со животно – душевно болни и луди луѓе

7. Портрети на познати уметници,(Ван Гог, Фрида Кало, Енди Ворхол, Анри Матис, Пол Гоген, Салвадор Дали, Френсис Бејкон, Жан Мишел Баскијат, Кеит Харинг, Рене Магрит, Пикасо, Едвард Мунх, Пол Кле).

8. Два автопортрета

9. Пoртрети на најноторни убијци – сериски убијци на сите времиња, (Денис Радер, Андреј Чикатило, Ричард Трентон Чеис, Аилин Вурнос, Хенри Ли Лукас, Ед Геин, Гери Рајвеј, Тед Банди, Џон Вeин Гејси, Џефри Дамер)

Изложбата е во состав на манифестацијата Бели ноќи.

__________________________________________

Изложба на Агрон Абдули во Чифте амам

agron abduli 1

Агрон Абдули преку портретот често пати го повикува ехото на внатрешна средба со својата трансцендентала кое шири светло на човековата природа кое во суштина ги претставува најсуптилните човекови чувства. Многу нешта моше да претстави портретот, бидејќи во поголемиот број на случаи модулацијата на човековиот лик пред нас може да се претстави како целосен универзум.

___________________________________________

Изложбата „Utopia = Good Place or No Place“ во Мала станица

Овој проект цели кон делумно разобличување на оваа толку генерална тематика – Утопија, особено во денешните нео-либералистички или квази нео-либерализстички општества таа има за цел да допре или иницира повеќе дискурси, меѓу кои:

Utopija Alessandro Fonte i Swanette Poe1

Утопија, не мора да се однесува “’не’ место”, кое не тера критички да се обраќаме на нашата сегашност, но таа исто така може да има врска со префигуративното “добро место”, кое нуди алтернатива на нашата сегашност.

Утопијата како начин на размислување не инспирира да се одмориме од реалноста и да размислуваме подалеку од она што е веќе постоечко. “Утописки” уметнички дела не мора да бараат од нас да ги преземеме нивните идеи во буквална смисла. Туку нивната цел е да го извличат моментот на рефлексија и внатрешно испрашување за тоа “до каде може да функционира предлогот за уметност?”, “како се споредува со светот во кој живееме.” … итн

___________________________________________

„Хронологија на дневни записи“ на Мирко Вујисиќ во Чифте амам

mirko vujisic 1

„Хронологија на дневни записи“ го сублимира досегашното творештво на авторот, презентирајќи избор на дела кои го рефлектираат неговиот интензивен интерес кон различни ликовни медиуми – графиката, цртежот и сликата. Во случајов, може да констатираме дека наведениот поим хронолошки записи се однесува на презентирање на дела од неговите почетоци, па се до денес, но интенционално е избегната инскрипцијата на конкретни наслови и години на изработка, оставајќи на посетителот самиот да ја исчита приказната низ претставениот сублимат на поетиката на различности.

Доколку се обидеме да ги означиме компонентите константно присутни во секојдневното посветено и интензивно создавање дела со дивергентна ликовна провиниенција, секако дека ќе започнеме од сензибилитетот кој авторот го манифестира во секое дело, а се однесува на особен лирски пристап и чувствување на богатството на содржините и мотивите еманирани од светот на имагинацијата.

_____________________________________________

Изложба на Иван Ивановски во Чифте амам

Проектот „ул. Салвадор Алјенде 68“ се состои од околу 100 скулптури, објекти и цртежи. Идејата е да се истражува релацијата на луѓето во група, групата во релација со единката и релацијата помеѓу повеке групи и единки.

pokana_1

На овој начин се создаваат композиции со ситуации од секојдневието на овој град.

За однесувањето на луѓето во група и како индивидуи уметникот реферира кон социјалните експерименти од раните 1970г. „Затворот Стенфорд“ и „Милграм експеримент“ кој се однесуваат на моќта на авторитетот, како и на експериментите од областа на конформизмот како експериментот на Аш, кој истражува како единките пасивно го прифаќаат и се прилагодуваат кон мислењето и однесувањето на групата.

Авторот користи различни материјали за изработка на делата (гипс, дрво, стиропор, жици …) како и “ready-made” објекти, кои од различен аспект ја вообличуваат првичната идеја.

______________________________________

Ретроспективна изложба на Александар Кондев

kondev izlozba_56

Александар Кондев (1950) е еден од оние македонски фотоуметници, чиешто фотографско творештво е нераскинливо сврзано со пробивите на фотографската мисла кај нас и, слободно може да се каже, највисоките дострели на македонската фотографија од втората половина на минатиот век до денес. Неговото безмалу педесетгодишно присуство во сите перипетии на македонската фотографија е важно сведоштво и за вкупниот развој на фотографијата кај нас.

По силата на нештата, но и заради јасно изразената љубов кон фотографијата, релативно рано (1969 година, иако претходно, 1966 – 1969 година, меѓу првите кај нас, се бави со анимација и филм) се определува за неа како основна професија. И тоа трае до денес!

Оттука, со 9 самостојни изложби, со учество на 40-тина групни изложби во земјата и во странство, со бројни национални и меѓународни награди, Александар Кондев дефинитивно денес е доајен на македонската уметничка фотографија, репрезент на нејзиниот развој и современи дострели во национални рамки.

_________________________________________

“Ретроспектива на апстрактната фотографија”  на Осман Демири

osman demiri

Апстрактната, необјективна, експериментална или уште позната како концептуална фотографија е средство за создавање визуелни, драматични слики и се потпира врз примордијалните сензации за форма, облик, боја, кривина, повеќе одошто на самата смисла. Таа нема непосредна поврзаност со субјектот во буквална форма или со светот на објектот, туку тоа што е создадено зависи од добрата фотографска опрема, процесите и материјалите, а пред сѐ од концептот.

Апстрактната фотографија може да изолира фрагмент од природната сцена, со цел да го отстрани нејзиниот својствен контекст од гледачот, а тоа може да биде намерно изведено за да се создаде навидум нереален изглед на реалните предмети или тоа може да вклучува употреба на боја, светлина, сенка, текстури, облици и/или форма за да се пренесе чувство, сензација или импресија. Сликата може да се произведува со користење традиционална фотографска опрема како камера, темна соба или компјутер или тоа може да се создаде без користење на камерата со директно манипулирање на филмот, хартијата или други фотографски медиуми вклучувајќи и дигитални презентации.

___________________________________________

Mултимедијална инсталација под наслов „12:05“ на Борис Шемов

plakat boris shemov

Проектот на Шемов претставува мултимедијален, визуелен и перформативен експеримент во кој сржта лежи во концепциската синестезија. Тој креира визуелни дразби кои според своите естетски кфалификации се восприемаат како изложба, а помеѓу елементите има поврзаност и аналогност со неговите претходни опуси (номадичност, референтност, колажираност, експерименталност, синтетичност, индустријализам, масовност, повеќеслојна комплексна концептуалност итн.).

Тенденцијата на Борис Шемов со овој проект е со минимум вклучени елементи или дела да дозволи концептот да се авто-генерира во свеста и спознанието на реципиентот, без притоа да даде „рецепт“ за читање на делото и дискурсите. Од друга страна тој момент на авто-генерирање на делото e присутен и во самиот процес на создавање на делото, со акцент врз синтетичноста и индустрискиот момент.

____________________________________________

Изложба на Жанета Гелевска Велјаноска во Чифте амам

“Конекција” e насловот на изложбата, кој сам по себе, сугерира симбиоза на најважните вредности во животот како и во уметноста. Жанета Гелевска Вељаноска ги повикува гледачите на нов поглед на поимот ,,заедништво,,.

zaneta gelevska 1

Со своите дела како и во животот Жанета комуницира, Продуховеност, Промисленост и Доследност овојпат во комбинирана техниката на платно,со вметнување на колажи, стари фотографии од минатото заедно со модерните форми од сегашноста. При тоа авторката емитува “уметност на радоста на животот” и создава дела кои приближени на човечкиот амбиент создаваат потреба за дружење со него”. Сепак посебно би ја издвоила “конекцијата со детето” на секое човечко битие, како нешто најдлабоко во секој од нас.

Систематизирајќи ги внатрешни пориви на својот сопствен сензибилитет, во своите дела Жанета Гелевска Вељаноска се стреми кон синтетичен и силен начин на изразување.Лексиката на нејзиното сликарство е слоевита и смислено вкрстена од различните доживувања и расположенија, така, таа се ослободува од една цела конкретна логика, во корист на диктатот на чулата и чуствата со емотивни изливи на внатрешната енергија и психички вибрации.

_______________________________________

Изложба на Маневски и Шумковски „Две изложби, а еден настан“

Благоја Маневски и Јован Шумковски се клучни имиња во генерирањето на македонската современа сцена. Тие се претставници на генерација творци што ги почнаа своите активности од средината на осумдесетите и во крајот на таа и во наредната деценија извршија поместувања и осовременувања на визуелниот уметнички израз на национално ниво.

gotova 8

Нивниот „револуционерен“ подвиг кој се прелеваше и низ содржинско-концепцискиот дискурс и низ техничко-технолошките иновации на добата е причина за насоките што ги следеа понатаму и идните уметници во оформувањето на македонскиот ликовен паноптикум. Тие се денес главна алка во едукативниот систем (како професори на Факултетот за ликовни уметности) и во моделирањето на профилот на идните творци.

Иако како изразност многу различни, сепак честопати изложуваат заедно, секогаш носејќи го духот на времето и актуелноста. Проектот „Две изложби, а еден настан“ е за едниот (Шумковски) навраќања наназад со неизложувани дела преку циклусот „Блиско минато и една антиципација“, а за другиот (Маневски) синестезија со нови дела чија аналогија може да се најде во поранешни идеи, концепти и дела, преку циклусот „Без наслов!?…“ .

____________________________________________

Изложба на Вана Урошевиќ “Кабинети на чуда и библиотеки”

Својата најнова самостојна изложба Вана Урошевиќ ја има насловено: “Кабинети на чуда и библиотеки”. Следејќи некои од своите омилени теми од доменот на “тајниот живот на предметите”, оваа ликовна уметница овојпат својот интерес го насочува кон збирките произлезени од собирачката страст и несекојдневниот вкус на особено љубопитните поединци – кон “Збирките на чуда” (на германски: “Vunderkammern”; на француски: “Chambres des merveilles” и “Cabinets des curiosités”; на англиски: “Cabinets of Wonders”).

vana urosevic - kabineti plakat

Овие претходници на современите музеи постоеле во шеснаесеттиот и седумнаесеттиот век во многу градови на Западна Европа, по дворците на владетелите и по палатите на богатите луѓе, и сведочеле за потребата за допирот со Необичното, Неверојатното, Различното. Без некоја особена потреба од класификација, во овие збирки биле насобрани предмети со одлики кои отстапувале од вообичаениот изглед на нештата, реткости од геолошко, животинско или билно потекло донесени од далечните краишта, и кои биле доказ дека постојат и други можни облици на светот, различни од оние на кои сме свикнале. Дел од ваквите колекции честопати биле и збирките на уметнички дела, а во нивната близина секогаш биле и библиотеките.

Основен материјал во кој се реализирани делата на оваа изложба е рачно боената свила. На неа авторката додава цртежи, фотографии и текстови, создавајќи на тој начин еден мултимедијален простор кој е исполнет со многубројни, заемно вкрстени значења.

__________________________________________

Изложба на современата чешка уметност „Исклучок и правило“

Уметници вклучени во изложбата се: Алеш Чермак (Aleš Čermák), Ева Јиржичка (Eva Jiřička), Ева Котјаткова (Eva Koťátková), Барбора Клеинхамплова (Barbora Kleinhamplová) и Тереза Стејскалова (Tereza Stejskalová), Вацлав Магид (Václav Magid), Маркета Магидова (Markéta Magidová) и Јан Феифер (Jan Pfeiffer), Јан Манчушка (Ján Mančuška), Слава Соботовичова (Sláva Sobotovičová), Роман Штетина (Roman Štětina), Адам Вачкар (Adam Vačkář) сите одлични претставници на чешката современа визуелна сцена.

pravilo i isklucok

Делата претставени на оваа изложба претставуваат само мала илустрација за перформативните пристапи кои често се применуваат во последниве неколку години, особено од страна на помладата генерација на чешки уметници. Популарноста на театарските средства на сцената на ликовната уметност уште позначително влијаат на практиката и теоријата, а актуелната дебата говори за влијанието на театарот, театралноста или кореографскиот аспект.

Изборот, меѓу другото, прикажува одреден развој меѓу помладата генерација уметници од Чешка, кои се оддалечуваат од императивот на еманципиран учесник кој го создава делото, во корист на повеќе опфатени парчиња кои го апсорбираат набљудувачот или публиката. Форматот првенствено се состои од видео записи на изведени акции и перформанси, кои вклучуваат претходно одбрано сценарио. На изложбата има дела кои се создадени и документирани во разни автентични средини со помош на претставници на различни социјални групи и проекти во кои учествуваат професионални актери или изведувачи.

_____________________________________

Изложба на дела од детската ликовна работилница „Детска радост“

Изложбата на Жанета Гелевска наративно ги преставува најважните вредности во животот како и во уметноста. При тоа авторката емитува уметност на радост, на животот и создава дела кои приближени на човечкиот амбиент создаваат потреба од дружење со нив. Сепак посебно би се издвоила конекцијата со детето, на секое човечко битие, како нешто најдлабоко од нас.

Print

 Поттикнати од делата на оваа наша уметничка беа организирани повеќе посети на Националната галерија на Македонија на кои учество земаа деца од едукативниот центар Монтесори, градинката Спирит, учениците од О.У. Ѓорѓија Пулевски од општина Аеродром, како и О.У. Бајрам Шабани и О.У. Емин Дураку од општина Сарај, и штитениците од ЈУ Заводот за рехабилитација на деца и младинци, Скопје. Повеќе од 150 деца создадоа свои дела, експериментирајќи со различни техники на ликовно изразување.

______________________________________

Томо Шијак – Ретроспективна изложба

Шијак до крајот на својот живот останува доследен на смелото експериментирачко дејствување и на препознатливите дела кои, со развојот на модернистички трансфигурираната концепција на неговите најиновативни и естетски најзначајни „мусандри“, во колективната македонска уметничка меморија ќе останат запаметени како икони на објект-артот што зрачат со аурата на нивната трансцендентална моќ.

tomo shijak

Ретроспективната изложба и монографското издание за творештвото на Томо Шијак задолжително во себе ги инкорпорираат сите претходни истражувања посветени на овој автор и најзначајните концепти во доменот на објект-артот. Истражувачкиот проект, ретроспективната изложба и монографското издание се дел од програмските активности на Националната галерија на Македонија за 2015 година. Сите неопходни активности за овој проект се комплетно реализирани со финансиска поддршка на Министерството за култура на Република Македонија.

Проектот во оваа фаза ги опфаќа делата што се наоѓаат на територијата на Република Македонија, односно оние дела за кои при истражувањето ни беше дозволен пристап и нивна евиденција, а отежнување на целиот процес претставуваше трајното ненамерно (и во голема мера несовесно) уништување на извесен број круцијални креации на Шијак, како и турбулентната промена на приватните сопственици на негови дела.

______________________________________

Изложба Есенција на егзистенцијата на 25 македонски современи уметници

Истата изложба во јуни 2015 година беше отворена во галеријата Лауба во Загреб каде имаше огромен интерес од публиката и стручната јавност, а за следната година пoстои интерес изложбата да патува и во други галерии и музеи од регионот.

exsitence (Copy)

„Есенција на егзистенцијата“ е уметнички концепт кој се обраќа кон разни сфери од секојдневието, од животот, постоењето, перцепции кои од различен аспект приоѓаат кон суштината на ентитетот, на опстојувањето, на функционирањето. Тука се опфатени генезата на љубовта, духовноста, храната…, a под овој дискурс се пронаоѓаат и инстанците на достоинството, идеологијата, политиката, социјалата. Вообичаено, кога станува збор за тематика поврзана со егзистенцијата, неизбежен е Сартр и егзистенцијалистите кои говорат за апсурдноста на социо-општествените феномени, т.е. апсурдноста на есенцијата во егзистенцијата.

Критичките ставови за секојдневното егзистирање во делата од изложбата „Есенција на егзистенцијата“ може да се исчитуваат и во контекст на рефлектирање на долгогодишната „неподнослива тешкотија на постоењето“, како парафраза на насловот на ултра познатиот роман од Милан Кундера, „Неподнослива леснотија на постоењето“, и нудат различни поими за борбата за (не)можно емотивно/емоционално егзистирање во рамки на репресивите општествени системи.

no comments

Read more...

Изложба Есенција на егзистенцијата на 25 македонски современи уметници

Во галеријата Националната галерија на Македонија, објект Мала станица, на 29 декември 2015 (вторник) во 20.30 часот ќе се отвори изложбата Есенција на егзистенцијата на која се застапени 25 македонски современи уметници.

exsitence (Copy)

Истата изложба во јуни 2015 година беше отворена во галеријата Лауба во Загреб каде имаше огромен интерес од публиката и стручната јавност, а за следната година пoстои интерес изложбата да патува и во други галерии и музеи од регионот.

„Есенција на егзистенцијата“ е уметнички концепт кој се обраќа кон разни сфери од секојдневието, од животот, постоењето, перцепции кои од различен аспект приоѓаат кон суштината на ентитетот, на опстојувањето, на функционирањето. Тука се опфатени генезата на љубовта, духовноста, храната…, a под овој дискурс се пронаоѓаат и инстанците на достоинството, идеологијата, политиката, социјалата. Вообичаено, кога станува збор за тематика поврзана со егзистенцијата, неизбежен е Сартр и егзистенцијалистите кои говорат за апсурдноста на социо-општествените феномени, т.е. апсурдноста на есенцијата во егзистенцијата. Критичките ставови за секојдневното егзистирање во делата од изложбата „Есенција на егзистенцијата“ може да се исчитуваат и во контекст на рефлектирање на долгогодишната „неподнослива тешкотија на постоењето“, како парафраза на насловот на ултра познатиот роман од Милан Кундера, „Неподнослива леснотија на постоењето“, и нудат различни поими за борбата за (не)можно емотивно/емоционално егзистирање во рамки на репресивите општествени системи.

Секако, тука е и хуманистичката психологија на Абрахам Маслов и неговата често експлоатирана теорија за „Хиерархија на потребите“. Во основа на неговата „пирамида на потребите“ е биолошкото задоволувањето на инстиктивните еволутивни физиолошки човекови нагони, а постепеното „освојување“ на различните нивоа кон врвот на пирамидата станува се покомплексно и ретко достижно. Eдноставната интерпретација на оваа теорија, распоредот на поставеноста и меѓурелациите на различните нивоа на потреби, при што преминот кон секое наредно скалило е условено од задоволување на секое претходно, станува усложнета од основната социјална (не)сигурност како предуслов за обезбедување на базичните животни потреби.

Овој концепт со општ призвук ги опфаќа аспектите на триесетина македонски современи уметници кои на диверзни начини реагираат на егзистенцијалните принципи користејќи различни медиуми за визуелна експресија – од класични: сликарство, графика, скулптура, преку инсталации, објекти, фотографија, па се до видео проекции, дигитални принтови, перформанси, звучни инсталации… Селектираните уметници Исмет Рамичевиќ, Методи Ангелов, Атанас Ботев, Вана Урошевиќ, Ирена Паскали, Александар Станковски, Велимир Жерновски, Ѓорѓе Јовановиќ, Марија Сотировска, Дијана Богдановска, Игор Сековски, Славица Јанешлиева, ОПА, Михаела Јовановска, колектив Зеро, Димче Димески, Игор Тошевски, Гоце Наневски, Дарко Алексовски, Крунислав Стојановски, Зени Балажи, Мирна Арсовска, Зорица Зафировска, Александар Спасоски, Жанета Вангели во својот творечки вокабулар користат елементи кои соодветствуваат со главниот дискурс на концептот, секој од нив допирајќи ги точките на есенцијалностите на егзистенцијата на различни начини и од различни перспективи. Со овој тематски пресек, се надеваме и веруваме дека ќе дадеме еден можен аспект кон разгледување на македонската современа уметност.

Куратори на изложбата се Ана Франговска, Маја Чанкуловска Михајловска и Горанчо Ѓорѓиевски.

 

no comments

Read more...