Европска ноќ на музеите 2017

Оваа манифестација се одржува во сите музеи во Франција и во сите европски музеи кои сакаат да партиципираат, а влезот на „Европска ноќ на музеите 2017“ е бесплатен за сите посетители.

Иван Мештровиќ, од мапата литографии (1), 1923 год

Оваа манифестација е поддржана од Министерството за култура и комуникации на Република Франција, Советот на Европа, ИКОМ, УНЕСКО, а е поддржана и од асоцијацијата Музеите во Франција, Федерацијата „Пријатели на музеите“, TV5MONDE, Radio France и други.

Националната галерија на Македонија во рамките на европската манифестација „Европска ноќ на музеите 2017“ ќе се претстави со изложбата „ИВАН МЕШТРОВИЌ, графики од Депоата на НГМ“, која ќе биде претставена во објектот Чифте амам од 18 – 31 мај 2017 година.

Изложбата ќе и понуди на македонската публика ретка можност да проследи оригинални литографии (21) од светскиот скулптор Иван Мештровиќ (1883 – 1962), овојпат претставен како цртач и графичар. Делата се составен дел од мапата литографии од 1923 и се сопственост на Националната галаерија на Македонија (од т.н. екс-југословенска збирка). Мапата ќе биде проследена и со презентација на 2 скулптури од уметникот, исто така сопственост на Националната галерија.

Изложбата има за цел да го претстави пред македонската публика цртачкото и графичкото мајсторство на скулпторот Иван Мештровиќ. Тоа е единствена прилика македонската јавност да ги види овие дела кои што за прв пат се изложуваат, а се дел од т.н. екс-југословенска збирка на некогашната Уметничка галерија „Скопје“, систематски собирана во втората половина на четириесеттите години на минатиот век. Ценејќи го реномето на Мештровиќ како светски признат уметник, сметаме дека изложбата ќе предизвика несекојдневен интерес.

Информации за нашето учество на европската манифестација „Европска ноќ на музеите 2017“ може да погледнете на следниот линк:

http://openagenda.com/ndm-2017-europe/events/ivan-mestrovic-prints-from-the-collection-of-the-national-gallery-of-macedoni

no comments

Read more...

Изложба „Будење“ во Чифте амам

На 11 април (вторник), со почеток во 18:00 часот ќе биде отворањето на изложбата „Будење“ во Чифте амам – Национална галерија на Македонија.

budenje

За разлика од останатите, внатрешниот свет на децата со аутизам е неограничен, магичен. Толку искрен, чист, со енергија на која тешко може да се остане рамнодушен.

Аутистичните ни ја откриваат нивната стварност која за очите на останатите е често невидлива. Со нивните цртежи, тие на оригинален начин ни пренесуваат една порака: разбудете се, тука сме за да постоиме заедно! Затоа нам ни е потребно будење повеќе од кога било.

На умот, на душата, на внатрешниот глас, на вистинските вредности. Да подадеме рака и да станеме похумани, да се бориме против догмите и стереотипите од секој вид.Оттука, Националната галерија на Македонија, во соработка со здружението „ВО МОЈОТ СВЕТ“, ПОУ „Иднина“, Македонското научно здружение за аутизам и Ресурсниот центар на родители на деца со посебни потреби, со изложбата насловена „Будење“ го одбележува Светскиот ден на аутизмот.

Во една инспиративна креативна атмосфера на Чифте амамот беа организирани ликовни работилници на кои децата изработија преубави ликовни дела. Облачиња, сонца, срца или рачиња, сите до едно пленат со енергија и уметничка слобода што ни укажува за нивниот огромен творечки талент. Овие творби се одраз на нивната душа. Тие нè учат за љубовта, а за тоа не се потребни зборови. Овие деца се нашите херои!

Тенденцијата на пораст на аутизмот е факт и токму затоа е потребно подигање на јавната свест. Различни, а сепак толку исти, во несовршеноста е убавината. Сите заслужуваат да бидат прифатени и подеднакво третирани, само чистата љубов разбира сè!

Изложбата ќе трае до 20 април.

no comments

Read more...

Изложба на млади косовски уметници во Скопје

Изложбата ќе биде отворена на 6 април во објектот Мала станица и ќе трае до 25 април…

 ap2016

Националната галерија на Македонија (НГМ) ќе биде домаќин на Националната галерија на Косово која ќе претстави концептуален проект насловен „АР 2016 / Young Art“ на пет млади косовски уметници кои биле финалисти на натпревар.

Учесници на изложбата се авторите: Луан Бајрактари, Јетула Сулејмани, Бујар Сулејмани, Агрон Блакчори и колективот „Have It“ кој на задутрешното отворање на изложбата ќе има перформанс.

Директорката на Националната галерија на Косово Арта Агани денеска на прес-конференција рече дека „АР 2016 / Young Art“ е нов проект кој им овозможува на младите уметници да ги изразат своите ставови преку уметноста.

– За да имаат изложба, уметниците во Косово треба да имаат искуства со други изложби што, според нас, е аномалија. Затоа одлучивме преку оваа изложба да им овозможиме на младите да имаат своја изложба, без разлика дали имале или немале искуство претходно. Натпреварот ги опфати сите заинтересирани уметници до 40 години. Со тоа ги стимулиравме младите уметници и им отворивме можности за меѓународни претставувања, рече Агани.

Посочи и дека важноста на овој проект е и во соработката меѓу Македонија и Косово бидејќи, како што рече, не сме само географски блиску, туку и од аспект на културата, и ова ќе овозможи меѓусебно запознавање.

Кустосот на проектот „АР 2016 / Young Art“ Мехмет Бехлули рече дека се работи за доста сложена изложба која е една од најзначајните кои се случиле во Косово.

– Како професор на Факултетот за ликовна уметност во Косово имам контакт со младите секојдневно. Ние ги стимулираме младите да создаваат современа уметност базирана на традицијата. Ќе имате можност да видите и форми и изрази кои не се традиционални, меѓутоа се слични со уметноста во светот, рече Бехлули.

Кустосот во НГМ Ана Франговска истакна дека уметничката сцена во Косово има млади автори со европски ликовен израз, едуцирани надвор од Балканот кои, како што рече, се вклучени во создавањето на косовската културна стратегија.

Директорката на НГМ Дита Старова-Ќерими истакна дека изложбата на најдобрите уметници во Косово во 2016 година е и прва размена меѓу националните галерии на двете земји.

НГМ на Македонија ќе го возврати гостувањето во ноември, со патувачката изложба „Есенција на егзистенција“ подготвена од кустосите на НГМ Горанчо Ѓорѓиевски, Маја Чанкуловска-Михајловска и Ана Франговска.

_______________________________________________


Вчеравечер, во мултимедијалниот центар Мала станица се отвори изложбата „Young Art Kosovo 2016“, во организација на Националната галерија на Косово, како зародишен проект на официјализирањето на соработката помеѓу нашите институции – Националните галерии на Косово и Македонија. Инаугурацијата на изложбата беше во уметнички дух, со перформансот „Испитување“ на групата HAVEIT, чиј настап во согласност со нивниот феминистички пристап, беше провокативен, директен, брутално реален и во согласност со нивниот дискурс насочен против патријархалниот балкански родов систем на вредности.


Потоа следеше кратко интро за сите учесници на изложбата, по што се обрати еден од кураторите на проектот Мехмет Белули, елаборирајќи го самиот проект и Ана Франговска, како претставник на Националната галерија на Македонија, која проговори за сродноста помеѓу косовската и македонската ликовна сцена денес и ги најави идните реципрочни проекти со Националната галерија на Косово.

 



Изложбата беше посетена од бројна публика, меѓу кои беа високи претставници на Министерството за култура на Р. Македонија, претставници на дипломатскиот кор, академици, директори на јавни институции, професионалци од областа на ликовната уметност и други љубители на визуелната сцена, а сите мошне заинтересирано и со особено внимание го проследија отворањето и ги разгледаа делата на учесниците на изложбата: Агрон Блакчори, Бујар Сулејмани, Колективот HAVEIT, Јетула Сулејмани и Луан Бајрактари.

 


Заложбите на директорките на двете институции: д-р Дита Старова Ќерими – директор на Националната галерија на Македонија и Арта Буњаку Агани – директор на Националната галерија на Косово, за материјализација на соработката вродија со првиот плод во форма на оваа изложба, а повратен македонски проект е договорен за месец ноември, станува збор за патувачката изложба „Есенција на егизстенција“ на кураторите од Националната галерија на Македонија Маја Чанкуловска Михајловска, Горанчо Ѓорѓиевски и Ана Франговска, која треба да биде презентирана на косовската публика во Националната галерија на Косово.

no comments

Read more...

Aпстракцијата во современото македонско сликарство и скулптура

На 29 декември (четврток), во 12 часот, во објектот Чифте амам на Националната галерија на Македонија, ќе биде поставена изложбата „АПСТРАКЦИЈАТА ВО СОВРЕМЕНОТО МАКЕДОНСКО СЛИКАРСТВО И СКУЛПТУРА“.

1117. Хаџи Бошков Петар, Торзо, 1964

Изложбата ретроспективно ја елаборира појавата и развојот на апстрактната уметност во современото македонско сликарство и скулптура од периодот на шеесеттите години на минатиот век до денес, потенцирајќи ја притоа непредметната уметност (во сите нејзини варијации) како доминантен израз (и) во македонската ликовна уметност од втората половина на дваесеттиот век до денес. Едновремено изложбата има за цел да потсети на можеби подзаборавените македонски уметници фасцинирани од оваа визеулна приказна, чие што творештво засекогаш останува неразделен дел не само на апстрактниот исказ туку на македонската уметност во целина. Дури и денес, во поодминатите години на постмодерната и новите медиуми, непредметната уметност е се’ уште тука, околу нас и во ателјеата на македонските уметници, иако можеби не и’ посветуваме доволно внимание.

1061. Мишев, Слика XLIX, 1992,

Она што можеби треба веднаш да се потенцира е чувството дека македонската апстракција, во сите нејзини изразни форми, уште од самиот почеток па се’ до денес делува сигурно, самосвесно, автономно. Поточно, во најголем дел, појавата (и развојот) на апстрактната уметност кај нас е производ на нужност а не само афинитет, сосема спротивно на некои можни дилема дали таа воопшто може да му биде блиска на македонскиот уметник. Во забрзаното чекорење кон „достигнувањето на светот“ во педесеттите години на минатиот век апстракцијата секако била првиот, или меѓу првите, предизвици. Односно, кај нас таа беше и културолошки и творечки предизвик! Таа, непредметната уметност, во сите нејзини изразни форми бргу стана доминантен творечки исказ на македонската ликовна сцена во тоа време. И се одржа до денешен ден, можеби не со таа силина и опфат, можеби не со таа бројност на приврзеници односно следбеници, но се’ уште како интересен предизвик, дури и за помладите постмодерни генерации.

717. Мазев Петар, Изгорен пејзаж, 1963

На изложбата се претставени осумдесетина дела од повеќе македонски уметници од сите генерации, меѓу кои Петар Мазев, Димитар Аврамовски-Гуте, Петар Хаџи Бошков, Миле Корубин, Борис Николовски, Ордан Петлевски, Иван Велков, Јордан Грабулоски, Борко Лазески, Слободан Филовски, Танас Луловски, Татјана Миљовска, Златко Глигоров, Благоја Маневски, Решат Ахмети, Влатко Миладинов и др.

Автор на изложбата е Златко Теодосиевски.

no comments

Read more...

Ретроспективна изложба на Спасе Куновски

Изложбата на Спасе Куновски (1929 -1978) ќе се одржи на 9 декември 2016 година во Даут пашиниот амам со почеток од 19 часот.

Spase kunovski logor

…Tорзо од жена (црно торзо од кукла манекен), чиј површински текстил се расцепил и кај градите се „разголува“ фактура на дрво, а нозете од торзото, со подвезици. На едната нога сеуште стои прицврстена чорапа, а на другата – која исто така има дрвен инкарнат како градите – подвезицата е прицврстена со игла. Хипереалистично небо со облаци во средниот дел од сликата (минуваат низ торзото). Наместо глава декоративно извиени лимени ленти.

Муви кои во колона летаат пред облаците во изместена перспектива… Надреален штимунг, а сепак и некаква ведра, попистичка иконографија, која со својата директност опоменува за „современото несвесно разголување“ пред напредно-цивилизациските пролегоменони… само малку да доловам од понирањата во твоето дело „Залуден предизвик“, како штимунг за едно од делата…

spase kunovski 1

Македонската модерна уметност може да се гордее со името и делото на Спасе Куновски кое се повеќе, потврдено, го држи своето место под сводот на македонската култура и историја на уметноста. Тој е еден од ретките фигуративци со надреалистички интерес кој ќе го истражува овој стил целиот живот, без големи скокови и трчање по трендовите кои доаѓале преку тогашна Југославија од светот. Во овој стил тој успеал да ја најде својата база за изнедрување на сите потсвесни идеи, сеќавања, спомени, стравови, сфаќања за светот некогаш и сега, секако нудејќи и специфична опомена за светот утре.

Spase kunovski portret NGM

 

Неговите дела и во денешен контекст се современи и дискурзивни, што значи дека не се дела чиј моментум изминал, туку продолжуваат да остваруваат дијалог со реципиентот. Оттука сметам дека, како и секој творечки опус кој е жива материја подлежна на постојано нови преиспитувања и преџвакувања, и неговото дело ќе продолжи да побудува интерес и да биде тема на истражување на идните генерации, кои можеби на поинаков начин ќе ги толкуваат неговите дела и ќе ја „читаат“ пораката, барајќи асоцијативност во осаменоста предизвикана од технолошкиот напредок и дехуманизацијата на човештвото…

spse kunovski strashilo ngm

“Ars longa, vita brevis, occasio praeceps, experimentum periculosum, iudicium difficile“.

no comments

Read more...

Изложба на Мифтар Мемети во Чифте амам

Во вторник, 1-ви ноември во 19 часот во Чифте амам, Скопје ќе имате можност да присуствувате на отварањето на самостојната изложба на Мифтар Мемети.

miftar memeti plakat

На отворањето на изложбата со пригодна реч ќе се обратат директорот на Националната галерија на Македонија д-р Дита Старова Ќерими, господинот Фатмир Сулејмани декан на Филолошкиот факултет на Тетовскиот Универзитет воедно и близок пријател на авторот од детството и познатиот академски ликовен уметник и професор, господинот Решат Амети.

Сликарството на маестро Мифтар Мемети е емоционална претстава, блискот до луѓето со убедливост за фактичкото. Сликар кој дава предност на чувството на емоционалната природа, која понатака се развива за време на сликарскиот процес, што ќе рече дека сликата е таа која ја доближува до своите замисли следејќи ги неговте емоции и интелектуален предизвик. Неговите дела се резултат на драматичен настан, односно, тоа се слики на настани.

Уметникот кој од бојата прави уметност

Реинтерпретирање на заробени моменти, мигови од детството, енграми за атмосферата во домот и во грижливо негуваниот цветен двор…експресии, ликовни записи на моменти дури и продолжување и развој на мислата. Сведоштва за времето, носталгија пропратена со топлина во душата, впечатоци за поминатото детство, време во кое поминале најубавите и најсреќни детски денови. Сликарство кое со право може да се сврсти во групата на сликари-хроничари на времето и покрај силно акцентираната експресија со плохи и лирски нагласки.

Мифтар Мемети прави ликовни напори да ја запре минливоста на времето; со нежен лиризам ни ги препорачува старите прозори, врати, куќната порта, клупата и камењата во дворот кој одамна ја отслужиле својата намена под старата црешa а сега стојат како траен спомен, неминливост, вечност. Амбиентот сега и просторно и временски е дефиниран. Сликарот успеал успешно да ни ја долови и атмосферата на древноста и хармонијата која владеела во домашна градина. Засведоченост на едно одминато време, ликовна уметност со која уметникот не воведува во убавина во која се насетуваат нежни допири и рефлексии од исконот, од патината на времето. Мифтар Мемети со својата ликовна дарба создал возбудлива поетика во која ги споил времињата во вечност. Неговата уметност е со јасен и личен творечки сензибилитет со емотивна комуникација, што впрочем е негов најзначаен белег.

Тој е создавател на исконска убавина без да измислува ами ликовно да пресоздава природа, а емпириските нешта ја добиваат вистинската вредност. Делата на Мифтар Мемети се вистинска експресивно-лирска проповед, носталгичен бран од минатото.

Сликарството на маестро Мифтар Мемети е емоционална претстава, блискот до луѓето со убедливост за фактичкото. Сликар кој дава предност на чувството на емоционалната природа, која понатака се развива за време на сликарскиот процес, што ќе рече дека сликата е таа која ја доближува до своите замисли следејќи ги неговте емоции и интелектуален предизвик.

Неговите дела се резултат на драматичен настан, односно, тоа се слики на настани.

Љупчо Маленков

Изложбата ќе може да се погледне до 14-ти ноември.

no comments

Read more...

Посета на амбасадорот на Перу за Македонија во Националната галерија

Во Националната галерија на Македонија, во мултимедијалниот центар Мала станица се одржа свечена средба меѓу директорот на Националната галерија на Македонија, д-р Дита Старова Ќерими и Н.Е. господинот Хозе Антонио Ароспиде Дел Бусто, амбасадор на Р. Перу за Македонија со седиште во Букурешт, Романија.

ngm peru

Повод за средбата е отварање на изложба на фотографии на 16.06.2016, четврток под наслов ˶Патот на Инките ̋ која Националната галерија на Македонија за прв пат ја организира во соработка со почесниот конзул на Р. Перу во Македонија Ненад Јанакиевиќ. Амбасадорот Дел Бусто и директорката Старова Ќерими остварија конструктивен разговор за соработка која започнува со оваа изложба на која ќе се презентира древната цивилизација на оваа далечна земја.

Соговорниците договорија Националната галерија на Македонија да реализира проект/изложба со која би ја промовирале нашата култура токму во Перу во текот на наредната година во институција од ист ранг како нашата.
Ретки се можностите да се отпатува на вака далечни дестинации, затоа Националната галерија на Македонија понуди ексклузивна можност за пошироката публика преку овие фотографии да долови дел од прекрасните природни убавини на Перу.

Директорката Старова Ќерими истакна дека вратите на Националната галерија се отворени за запознавање и реципроцитетна соработка со амбасадите на различни култури и е поттик во иднина да се реализираат ваков тип на промоции кои ќе зближуваат две култури преку уметност.

Изложбата ќе се отвори во 18:30 часот а ќе биде поставена до 30.06.2016.

no comments

Read more...

Распоред на активностите од програмата на НГМ за мај 2016

Распоред на активностите од програмата на Националната галерија на Македонија за месецот мај 2016 година.

mal stanica logo vlez

Мала Станица

02-08.05 ,, Галерија на портрети” Куратор: Ана Франговска

Изложбата е практично збир на нематеријални дела, недофатни на перцепцијата на човекот со денешните биолошки перцептивни можности. Во повеќе од просториите на Мала станица, просторот се неутрализира од аспект на мирис (се варосува, а подот се брише со средство за неутрализирање), а потоа во секоја од просториите се поставува “мирисен квадрат”. Сопствениците на кучиња, по претходно закажен термин и добиени инструкции, ја посетуваат изложбата. Делото е невидливо за сопствениците, но не и за нивните миленици, чија реакција се документира (фотографии и видео). Во предвид доаѓаат само социјализирани миленици, навикнати на живот во затворен простор. Автор: Искра Димитрова

06-17.05.2016, МАГРОНИ-Скопје, Цртај и патувај во Дизниленд

Цртај на тема „Водата и природата“ и покажи го твојот уметнички правец! Изложба на големиот ликовен конкурс за деца на возраст од 4 до 10 години. Детски цртежи на тема „Водата и природата“

13-20.05 ,, IX Младински пролетен салон” Едукатор: Ацо Таневски

IX Младински пролетен салон- организација и селекција Ацо Таневски Толкување- Традиционална изложба на дела на ученици од средните училишта и факултети.Насловот на овој салон гласи ПОРТАЛИ.( мотиви на порти, капии, влезови, отвори,премини,прозорци,излези,окна)Конкурсот има републички карактер, и на изложбата учествуваат 30- на училишта и неколку сродни факултети.

25.05-07.06 „The day after “ Организатор: Ана Франговска

20:00 часот Храната е дел од колективниот ум. Ние сме преокупирани со нејзиното производство, шармирани од нејзините производители и обземени со нејзината презентација. Храната стана идеал, дури и израз на културен копнеж за многу образовани урбани професионалци и културолози. Методи Ангелов и порано се занимавал со вклучување на храната во визуелното изразување, каде покрај вклучување на несвојствен медиум, игра во голема мера со иронизирање на брендот и глобализацијата во која сите го губиме сопствениот идентитет.

18-26.05 БИСTA (Биенале на студенти по архитектура)

20:00 час  На биеналето ке се претставуват пет факултети со свои поставки,дополнително ке бидат изложени и плакатите кои се резултат на конкурс за најдобро графичко решение за постер за Биста.

Факултет учесници се: 1.Архитектонски факултет Скопје (УКИМ), 2.Факултет за архитектура и дизајн (Универзитет Американ Колеџ Скопје), 3.Државен Универзитет…

Чифте амам

05-19.05 Жижиќ и Кожул – Хрватска Одговорен: Ана Франговска

recurring landscapes

 12:00 часот Кожул и Жижек симулираат проблем во галеријата, лекување на изложбен простор не како празен сад, туку како канал за комуникација. Неповрзани артефакти расфрлани низ областа, неидентификувани субпростори, фрагментарни сцени на звукот, бучава, недостаток на изложбена навигација итн.

04-08.05 Меѓународен Балкански Универзитет 

18:00 часот Изложбата ке биде од мултикултурен карактер,студентите на МБУ доаѓат од целиот Балкан и Турција.Ваква изложба во скопска чаршија е исто така показател дека уметноста и културата претпоставуваат важен хуманистички процес во едно општество.

19.05 - 03.06 „Христијанските мотиви во современата Македонска ликовна уметност“ Куратори: Златко Теодосиевски и Славко Лисичков

Религијата, односно во случајов христијанската религија отсекогаш била еден од битните творечки инспирации и импулси во современото уметничко творештво. изложбата претставува елаборација на присуството на религиозните / христијанските мотиви во македонската уметност од почетоците на 20от век до денес, низ творештвото на Папрадишки, Зографски, Мартиноски, Мазев, Чемерски, Николовски, Глигоров, Жерновски и др.

Даут-пашин амам

daut pasin amam

03.05 Концерт

Концерт за деца Ема Потевска

17.05 Музичка младина на Македонија

Концерт на Стефан Неделковски – саксофон

18.05 ,,Уметникот и јас III“ Едукатор: Ацо Таневски

Уметникот и јас Ликовна работилница во која се опфатени три старосни групи- деца од градинки, ученици од VI одд. и ученици од средни училишта. Мотиви се изложените дела од колекцијата презентирана во Даут Пашин амам.

На крајот со компаративна изложба во истиот објект ќе се презентираат нивните видувања, во чест на 18 мај, светскиот ден на музеите.

18.05 ДАМБУЦ Илија Николовски Луј концерт

19:00 Годишен концерт на учениците од класите на проф. Е.Андоновска Цветковска, проф. С.Димитриевска, проф. З.Лазова

25.05 Музичка младина на Македонија

Концерт на Ивана Стојковиќ – пиано и Ирина Петрушевска – пиано

28.05 Музичка младина на Македонија

Концерт на Пиано форте

29 и 31.05 ,,ПРО-ЗА Балкан“

19:3020:40 Интернационален литературен фестивал ,,ПРО-ЗА Балкан“отварање на фестивалот на 29.05 и затварање на фестивалот на 31.05

 

no comments

Read more...

“Земна и небесна екстаза” во Мала станица

Националната галерија на Македонија, Музејот на град Скопје и Асоцијацијата за култура ИКОН со промоција на книга и отворање на изложба под наслов ЗЕМНА И НЕБЕСНА ЕКСТАЗА, светска љубовна поезија и сликарство на 15-ти април, Светски ден на уметноста.

mal stanica logo vlez

Автори – учесници на изложбата се Васко Ташковски, Владимир Георгиевски, Павле Кузмановски, Ниче Василев, Симон Шемов, Доне Милјановски, Петар Попчев, Стефан Хаџи-Николов, Новица Трајковски, Маријета Сидовски, Гоце Божурски, Решат Амети, Илија Спасовски-Чендо, Бук Митевски, Симонида Филипова-Китановска и Бернхар Холеман.

Инспирацијата учесниците ја црпена од антологискиот избор на поезијата на Соломон, Лермонтов, Хајне, Блок, Верлен, Лорка, Кович, Ацо Шопов и Анте Поповски.

Отворање на изложбата во објектот Мала станица во 20:30 часот.

no comments

Read more...

Распоред на активности од програмата на НГМ за април 2016 година

Borce Nikoloski Mala stanica 22

Распоред на активности од програмата на Националната галерија на Македoнија за април 2016 година

Мала Станица

15-20.04 Земна и небесна екстаза – љубовна поезија и уметност, организатор Маленко Љупчо 

На 15.04 Светскиот ден на уметноста ке биде отворење изложба на дела од 14 ликовни уметници инспирирани од светската лубовна поезија.Отворање 20:30 часот.
Изложбата ќе ја отвори Ефтим Клетников, вон програмска содржина.

 23.04-01.05 „Галерија на портрети“, куратор Ана Франговска 

Изложбата е практично збир на нематеријални дела, недофатни на перцепцијата на човекот со денешните биолошки перцептивни можности. Во повеќе од просториите на Мала станица, просторот се неутрализира од аспект на мирис (се варосува, а подот се брише со средство за неутрализирање), а потоа во секоја од просториите се поставува “мирисен квадрат”. Сопствениците на кучиња, по претходно закажен термин и добиени инструкции, ја посетуваат изложбата. Делото е невидливо за сопствениците, но не и за нивните миленици, чија реакција се документира (фотографии и видео). Во предвид доаѓаат само социјализирани миленици, навикнати на живот во затворен простор.

26.04-03.05 Изложба на фотографии, куратор Маленко Љупчо

Фотографии за развојот на Општината Кши Ченг од Пекинг, организатор Општина Центар, вон програмска содржина.

vana uroshevic postavka cifte (7) (Copy)

Чифте амам

06.04 Денот на лицата со аутизам, едукатор Маја Димитрова 
Креативни ликовни работилници и изложба по повод одбележување на лицата со аутизам. 6-ти април 2016 година. Во работилниците ке учествуваат 50 дечиња на возраст од 5-15 години во придружба на родители и дефектолози ангажирани од организации на невладиниот сектор.

16-25.04 Награда за млад ликовен уметник, организатор Центар за современи уметности

26.04 Годишна изложба на основни училишта, едукатор Маја Димитрова 
Годишна изложба на основни училишта од градот Скопје. Традиционална изложба каде учество земаат повеке од 800 ученици на возраст од 10-14 години. Отварање 13:30 часот

daut pasin amam

Даут-пашин амам

01.04 Коцерт Арјана Куриу-Груби

18:00 Проф.Арјана Куриу-Груби концерт-пиано

06.04 ,,Роман на годината” настан на “Утрински весник”
19-22:00 Свечено доделување на наградата “Роман на годината” за 2015 година”, “Телото во кое треба да се живее” на авторот Петар Андоновски.

22.04 „Денот на планетат земја“, едукатор Ацо Таневски

Ликовен хепенинг во дворот на Даут пашин амам.

28.04 Коцерт Сихана Јакупи
19:00 часот, ќе се одржи концерт на Сихана Јакупи – хорна и Арџира Чолаку – флејта. Ќе бидат изведени дела од повеќе композитори, меѓу кои и Haydn, Veber, Ravell и други.
Влезот е бесплатен.

———–

07.04 Самостојна Изложба на Решат Амети – во МАНУ, куратор Маја Крстевска

Изложбата ке биде поставена во месец Октомври, во изложбениот салон на Македонската Академија на Науките и Уметностите, каде ќе бидат поставени околу 30-тина дела, настанати во период од 2000-та година, до денес.

Предизвик и приоритет му се геометријата, пред се, видена во правилните форми на квадратот, триаголникот, кругот, или форми кои едноставно се врзуваат со човекот.На платната што ги работи се појавуваат конструкции од хоризонтални и вертикални линии, поставени под прав агол, кои уште повеќе ја интензивираат геометријата како принцип на неговите дела.

Во овој последен творечки циклус , повторно создава дела со различен стилско-содржински израз и таквите дела оставаат во исто време слоевитост на прикажаното, со светлина која ја оживува целата претстава.

Насловот на оваа изложба е “Лирска геометрија” и всушност е пресек на целото досегашно негово творење.

Меѓународна изложба

07-20.04 (По)трагите на водата – Акварел од колекцијата на Националната галерија на Македонија во КИЦ Софија, куратор Елена Георгиевска

kic sofija akvarel

Во Културно- информативен центар на Република Македонија во Софија, Република Бугарија се отвори изложбата со наслов (По)трагите на водата – Акварел од колекцијата на Националната галерија на Македонија. Акварелот како составен дел од Збирката на Националната галерија на Македонија, завзема значајно место, такашто со оваа изложба се презентира избор на дел од уметничките дела остварени во оваа ликовна техника.

Овој проект беше замислен како изложба со патувачки карактер истата беше поставена во повеќе градови низ Македонија (Велес, Крива Паланка, Штип, Битола, Кавадарци, Куманово). Истата, беше реализирана во соработка со Дирекцијата за култура и уметност- Скопје, и е во рамките на проектот „Кич, да!?/сте или не/“ поддржан од Министерството за култура.

akvarel kolekcija na ngmЉубителите на уметноста добија можност да видат селектирани дела од најстарата генерација автори од македонската современа ликовна уметност, како и од соседството.

Меѓу авторите на акварелите застапени во колекцијата на Галеријата се претставници од најстарата генерација современи академски сликари од Македонија – Михајло Шојлев, Димитар Аврамовски Пандилов, Киро Караџа, Лазар Личеноски, Вангел Коџоман, Љубомир Белогаски, Василие Поповиќ – Цицо, како и одредени познати имиња (врвни мајстори) од соседните држави (кои покрај сликарството работеле и акварели) – Томислав Кризман, Јован Бјелиќ, Коста Хакман, Петар Лубарда, Предраг Милосављевиќ – Пеѓа, Никола Славин.

Регистарот на акварелното сликарство, продолжува со создадени дела од авторите – Лена Стефанова, Ејуп Умер, Богољуб Ивковиќ, кои во својот творечки опус периодично или експериментално работеле акварел, или пак, негова имплементација во делото (цртеж во комбинирана техника со акварел, гваш) – Симон Шемов, Владимир Георгиевски, Станко Ѓорѓиев, додека некои од уметниците се најпрепознатливи во своето творештво во акварелната техника – Никола Бутров, Илија Кавкалески- Кавкале, Теофил Шулајковски-Тофе, Јакуп Хајро.

Истата ке биде поставена до 20.04.2016 година.

no comments

Read more...