Изложба на кинески везови во Мала станица

Во Националната галерија на Македонија, објект Мала станица на 12 септември 2013 година (четврток) во 12:30 часот ќе биде отворена изложба на везови од областа Чианг.

Изложбата се организира по повод одбележувањето на 20 годишнината од воспоставувањето на дипломатските односи меѓу Кина и Македонија и за спомен на 50 години од земјотресот во Скопје и 5 години од земјотресот во Сичуан, се организира изложбата за везови од малцинството Чианг, која е во ко-организација на Амбасадата на Кина во Македонија, офисот за надворешни работи на провинција Сичуан и Народната Влада на областа Венчуан, и во соработка на Министерство за надворешни работи, Министерство за култура и Националната Галерија на Македонија – Мала Станица на Република Македонија.

Изложбата е резултат на духовната и културната рехабилитација. Секој прекрасен експонат е навезен рачно од девојките од малцинството Чианг во регионот Венчуан. Со мудрост и трудољубиви раце ја покажуваат културната специфика на сопствената народност и исцртуваат визија за подобрата иднина.

Со почит,

Национална галерија на Македонија