Петта Годишна изложба на основните училишта

Во Чифте амам при Националната галерија на Македонија на 26.04.2016 год (вторник) во 13 часот ќе биде отворена Годишната изложба на основни училишта, програмски проект на едукативното одделение.

Овогодишната тема е „Пејзаж“, учесници се ученици од 6-то до 9-то одделение од сите основни училишта од градот Скопје. Младите автори изработија дела во повеќе техники (цртеж, фотографија, колаж, графика, темпера…)

Изложбата има натпреварувачки карактер, најдобрите творби ќе бидат наградени со цел да се подигне мотивацијата кај учесниците.

Овој Проект/изложба има традиционален карактер, се организира по петти пат во Националната галерија на Македонија, и истата ќе може да се погледне до 8-ми мај. Едукатор кој го води проектот е Маја Димитрова.