Loading изложби

« Сите изложби

  • This event has passed.

Изложба на Џељош Џокај во Мала станица

декември 20, 2019 @ 20:00 - јануари 20, 2020 @ 20:00

Share Button

Изложба на црногорскиот уметник Џељош Џокај, на 20 декември 2019, во 20 часот, во Мал станица.

Џељош Џокај е црногорски уметник со албанско потекло, кој припаѓа на генерацијата на уметници на Владимир Величковиќ и Душан Џамоња, генерација која не сака да заборави и се раздели од претходната, од надреалистичката, т.е онаа на Ступица и од апстрактната на Лубарда. Блиска му е естетиката на руралниот социјален реализам, а потоа и онаа на градскиот метафизичар Хегедушиќ, со одредена проекција на одредени типично национални карактеристики, во рамките на естетското искуство на Европа.

Критиката го дефинира како остроумен лирик, опседнат во своите дела со насилството на минатото и сегашноста, водејќи ги своите ранети и скршени ликови по пепелливата медитеранска земја, со силни оловни бои, за да ја поднесат сопствената жртва за човештвото. Го нарекуваат уште и сликар на технолошката сегашност, која веќе ја чувствуваме како дел од минатото, по која се движи робот, среќен како безгрижно дете, а од чии очи и раце растат корени и од чии артерии капе крв. Сликар е на поранешните и идни преселби. Тој црта, бои и формира една скаменета, метализирана слика чие време се простира во бесконечноста, слично на најмачните сништа.

Неговото сликарство е полно со лица, глави од кои нозете се отсечени и од чии солзи и распаѓања, уметникот го претставува она што се раѓа и р’ти, и од еден мачен затворен круг и создава простор во кој некои луѓе повторно би можеле да се обидат да живеат.

Во неговото сликарство сегашноста е обземена со минатото, со селото, со детството и војната против нацизмот. Сеќавањето влегува во димензија на сегашноста. Секој лик претставува единство на сегашноста и спомените. Историјата не се раскажува ни прикажува, се чувствува како жива и неодделна од автобиографијата. Единство на сегашноста и сеќавањата. Како во цртежот, така и во графиката, создава една специфична композиција која како да ја креираат парчиња од материја оставајќи впечаток на графит, ткаенина, метал, најразлични материјали кои оживуваат под раката на сликарот.

 

Share Button

Информации

Почеток:
декември 20, 2019 @ 20:00
Крај:
јануари 20 @ 20:00
Event Tags:
, , ,

Локација

Мала Станица – Национална Галерија На Македонија
Ул. Јордан Мијалков 18
Skopje, MK 1000 Macedonia
+ Google Map
Тел.
+389(0) 2 3126-856
Website:
https://nationalgallery.mk