(foto) Hapja e ekspozitës “Bukë dhe kripë” në Vjenë
Fotografi nga hapja e ekspozitës “Bukë dhe kripë”, në organizim të Galerisë Kombëtare të Maqedonisë, e cila u hap në Palais Porcia në Vjenë, më 7 nëntor të vitit 2013 (e enjte), në të cilën u prezantuan 12 artistë nga Maqedonia.
Ekspozita nxiti interesim të madh në mesin e publikut nga Austria që rezultoi me vizitë të shumë vizitorëve dhe me kritika pozitive nga profesionistët dhe nga Ministria për arsim, kulturë dhe shkencë e Austrisë. Për këtë arsye filluan edhe bisedimet për vazhdimin e bashkëpunimeve në të ardhmen, për shkëmbimin e artistëve dhe kultivimin e bashkëpunimit të mëtutjeshëm në mes Maqedonisë dhe Austrisë.
Në hapjen e ekspozitës, fjalim të rastit kishin Norbert Riedel, ish drejtuesi pranë Ministrisë për arsim, kulturë dhe art të Austrisë, Karin Zimer, drejtues i tanishëm i Sektorit për bashkëpunim ndërkombëtarë pranë Ministrisë për arsim, kulturë dhe art të Austrisë, zonja Halide Palloshi, drejtor i Galerisë Kombëtare të Maqedonisë dhe zonja Hillda Kolevska nga Atasheu për kulturë në Ambasadën e Republikës së Maqedonisë në Austri. Në hapjen e ekspozitës, ishte i pranishëm edhe Hanspeter Huber, drejtor i Drejtorisë për bashkëpunim ndërkombëtarë pranë Ministrisë për arsim, art dhe kulturë të Austrisë.
Kurator i ekspozitës është Ana Frangovska.